Read Maltese Bible with DC – IL-BIBBJA IL-KOTBA MQADDSA SALMI 6 Bible Online

SALMI 6 - Maltese Bible with DC – IL-BIBBJA IL-KOTBA MQADDSA bible

SALMI 6

¹Għall-mexxej tal-kor. Fuq l-istrumenti tal-korda. Fuq “Is-Seminit”. Salm ta’ David.

²Mulej, la ċċanfarnix fil-korla tiegħek; la twiddibnix fis-saħna tiegħek.

³Ħenn għalija, Mulej, għaliex inħossni mifni; fejjaqni, Mulej, għaliex għadmi mfarrak;

⁴ruħi mħawda għall-aħħar. Mulej, int kemm se ddum[6] ma tismagħni?

⁵Dur lejja, Mulej, u eħlisni; salvani f’ġieħ it-tjieba tiegħek.

⁶Għax ħadd mill-mejtin ma jiftakar fik; min ifaħħrek f’art l-imwiet[7]?

⁷Infnejt bit-tnehid tiegħi, kull lejl nibki fuq friexi, bid-dmugħ inxarrab soddti.

⁸Għajnejja bil-biki tgħarrqu, u nfnew minħabba l-għedewwa tiegħi.

⁹Tbiegħdu minni, intom li tagħmlu l-ħażen, għax sama’ l-Mulej il-biki tiegħi.

¹⁰Sama’ l-Mulej it-tħannin tiegħi; jilqa’ l-Mulej it-talba tiegħi.

¹¹Jistħu u jinfixlu għall-aħħar l-għedewwa tiegħi kollha, u minnufih jerġgħu lura mħawda.