Read Maltese Bible with DC – IL-BIBBJA IL-KOTBA MQADDSA SALMI 61 Bible Online

SALMI 61 - Maltese Bible with DC – IL-BIBBJA IL-KOTBA MQADDSA bible

SALMI 61

¹Għall-mexxej tal-kor. Bl-istrumenti tal-korda. Ta’ David.

²Isma’, o Alla, l-għajta tiegħi, agħti widen għat-talba tiegħi.

³Minn truf l-art lilek insejjaħ, meta nkun qalbi maqtugħa; minn hemm inti mexxini lejn il-fortizza fuq l-għolja.

⁴Għax int sirt kenn għalija, torri qawwi quddiem l-għadu.

⁵M’hux li kont ngħix f’għamartek għal dejjem, nistkenn għas-satra ta’ ġwenħajk!

⁶Għax int, o Alla, smajt il-wegħda tiegħi, u tajtni l-wirt ta’ min iqim lil ismek.

⁷Lis-sultan kattarlu ż-żmien ta’ ħajtu; ikunu snin ħajtu minn nisel għal nisel.

⁸Isaltan quddiem Alla għal dejjem. Agħmel li jħarsuh it-tjieba u l-fedeltà.

⁹Hekk infaħħar ismek għal dejjem, jien u rrodd kuljum il-wegħdiet tiegħi.