Read Maltese Bible with DC – IL-BIBBJA IL-KOTBA MQADDSA SALMI 62 Bible Online

SALMI 62 - Maltese Bible with DC – IL-BIBBJA IL-KOTBA MQADDSA bible

SALMI 62

¹Għall-mexxej tal-kor. Fuq “Ġedutun.” Salm. Ta’ David.

²F’Alla biss il-mistrieħ ta’ ruħi: mingħandu tiġini s-salvazzjoni.

³Hu biss il-blata u s-salvazzjoni tiegħi, hu l-kenn tiegħi; xejn ma jċaqlaqni.

⁴Kemm se ddumu teħduha kontra wieħed waħdu, biex taqilbuh ilkoll flimkien, bħal ċint qed jiġġarraf, bħal ħajt qed jaqa’?

⁵Ħsiebhom biss biex iwaqqgħuh mill-għoli tiegħu[97]; iħobbu l-gideb; b’fommhom ibierku, imma f’qalbhom jisħtu.

⁶F’Alla biss il-mistrieħ ta’ ruħi, għax mingħandu tiġini t-tama.

⁷Hu biss il-blata u s-salvazzjoni tiegħi, hu l-kenn tiegħi; xejn ma jċaqlaqni.

⁸F’Alla s-salvazzjoni u l-ġieħ tiegħi, hu l-blata qawwija tiegħi, u l-kenn tiegħi f’Alla.

⁹Ittama fih f’kull żmien, o poplu; iftħu qalbkom quddiemu. Alla hu kenn għalina!

¹⁰Duħħan biss huma l-bnedmin, gidba huma wlied il-bniedem. Fil-miżien ’il fuq jogħlew, eħfef mid-duħħan ilkoll flimkien.

¹¹Isserrħux raskom bis-serq, tittamawx fi ħwejjeġ maħtufa; imqar jekk joktor l-għana, torbtux qalbkom miegħu.

¹²Ħaġa waħda qal Alla, jien dawn it-tnejn tgħallimt: li “l-qawwa hi ta’ Alla”,

¹³u li “tiegħek, Sidi, hi t-tjieba”. Għax int tagħti ’l kulħadd skont għemilu.