Read Maltese Bible with DC – IL-BIBBJA IL-KOTBA MQADDSA SALMI 76 Bible Online

SALMI 76 - Maltese Bible with DC – IL-BIBBJA IL-KOTBA MQADDSA bible

SALMI 76

¹Għall-mexxej tal-kor. Fuq l-istrumenti tal-korda. Salm ta’ Asaf. Għanja.

²Magħruf hu Alla f’Ġuda, kbir hu ismu f’Iżrael.

³F’Salem[128] hemm l-għarix tiegħu, u l-għamara tiegħu f’Sijon.

⁴Hemm hu kisser il-vleġeġ tal-ark, it-tarka, is-sejf u l-armi tal-gwerra.

⁵Int kollok dija u glorja, aktar mill-aqwa muntanji.

⁶L-irġiel ta’ qalbhom qawwija tilfu l-priża tagħhom; il-gwerriera qalbiena waqgħu f’raqda, idejhom tmewtulhom.

⁷Għall-għajta tiegħek, Alla ta’ Ġakobb, f’ħedla jaqgħu r-rikkieba u ż-żwiemel.

⁸Tal-biża’ int; int, min jiqaflek, meta tqum fuq tiegħek, Mulej?

⁹Mis-smewwiet semmajt il-ħaqq tiegħek; twerwret l-art u tbikkmet,

¹⁰meta Alla qam biex jagħmel il-ħaqq, biex isalva l-imsejkna kollha tal-art.

¹¹Imqar fil-korla tiegħek il-bnedmin ifaħħruk; u kull min jeħles mill-għadab tiegħek ifaħħrek.

¹²Wiegħdu u roddu lill-Mulej, Alla tagħkom; ta’ madwaru lkoll iġibulu d-doni, lilu, li hu tal-biża’;

¹³lil dak li jifni l-kbarat, u jnissel il-biża’ fis-slaten tal-art.