Read Maltese Bible with DC – IL-BIBBJA IL-KOTBA MQADDSA SALMI 82 Bible Online

SALMI 82 - Maltese Bible with DC – IL-BIBBJA IL-KOTBA MQADDSA bible

SALMI 82

¹Salm ta’ Asaf. Alla joqgħod fil-laqgħa tal-allat, f’nofs l-allat[148] jaqta’ s-sentenza:

²“Kemm se ddumu taqtgħu l-ħaqq bil-ħażen, u tħarsu lejn wiċċ il-ħżiena?

³Agħmlu l-ħaqq mal-miskin u l-iltim; mal-magħkus u l-fqir agħmlu s-sewwa.

⁴Eħilsu d-dgħajjef u l-fqajjar, minn id il-ħżiena salvawhom.”

⁵La jafu u lanqas jifhmu, fid-dlam qegħdin jimxu; u s-sisien kollha[149] tal-art qed jitheżżu.

⁶Jien għedt li allat intom[150], ulied l-Għoli lkoll kemm intom.

⁷Imma bħal kull bniedem intom tmutu, bħal kull wieħed mill-kbarat taqgħu.

⁸Qum, o Alla, agħmel ħaqq mill-art; għax tiegħek huma l-ġnus kollha!