Read Maltese Bible with DC – IL-BIBBJA IL-KOTBA MQADDSA BIN SIRAK 19 Bible Online

BIN SIRAK 19 - Maltese Bible with DC – IL-BIBBJA IL-KOTBA MQADDSA bible

BIN SIRAK 19

¹Ħaddiem xurban ma jistagħniex; min jistmerr ħwejjeġ żgħar, bil-mod il-mod jaqa’ fil-kbar.

²Inbid u nisa jħarbtu ’l min għandu s-sens, u min jitħallat ma’ nisa żienja, hu bla kont għall-aħħar.

³Jirtuh it-taħsir u d-dud; u min hu bla kont jinħataf mid-dinja. Kontra l-kliem żejjed

⁴Min jgħaġġel biex jemmen moħħu ħafif, u min jidneb jagħmel ħsara lilu nnifsu.

⁵Min jifraħ bil-ħażen isir ħaqq minnu, u min jiċċaħħad mill-pjaċiri jagħmel ġieħ lilu nnifsu.

⁶Min iliġġem ilsienu jgħix mingħajr tilwim. U min jobgħod it-tpaċpiċ jonqoslu l-ħażen.

⁷Qatt ittenni kelma li tkun smajt, u xejn ma jonqoslok minn dak li għandek.

⁸Twassalhiex la lill-ħabib u lanqas lill-għadu, u jekk ma jkunx dnub għalik, tikxifhiex.

⁹Għax min semgħek u qagħad għassa tiegħek maż-żmien isir jobogħdok.

¹⁰Smajt kelma? Għandha tmut miegħek. Tibża’ xejn, mhux se tikkriepa!

¹¹Minħabba kelma l-iblah ibati, bħal mara se tiled minħabba t-tarbija.

¹²Bħal vleġġa mwaħħla f’koxxa ta’ ġisem, hekk hi kelma fil-ġewwieni tal-iblah. Temminx kulma tisma’

¹³Stħarreġ lil ħabib; għandu mnejn qatt m’għamel xejn, biex jekk għamel xi ħaġa, qatt ma jerġa’.

¹⁴Stħarreġ il-ġar tiegħek; għandu mnejn qatt ma qal xejn, biex jekk qal, qatt ma jerġa’.

¹⁵Stħarreġ mingħand ħabib għax ħafna drabi jingħad il-gideb, u temminx kulma tisma’.

¹⁶Hemm min jiżloq, imma mhux għax irid. Min ma jiżbaljax b’ilsienu?

¹⁷Stħarreġ ġarek qabel theddu, u ħalli post għal-Liġi tal-Għoli[27], u la tagħdabx[28].

¹⁸Il-Mulej jilqgħek jekk għandek il-biża’ tiegħu; u jħobbok jekk għandek għerfu.

¹⁹L-għarfien tal-kmandamenti tal-Mulej hu tagħlim li jagħti l-ħajja, u dawk li jagħmlu li jogħġob lilu jiġbru l-frott mis-siġra tal-ħajja. L-għerf veru u l-għerf falz

²⁰L-għerf kollu qiegħed fil-biża’ tal-Mulej; u f’kull għerf hemm il-ħarsien tal-Liġi u l-għarfien tas-setgħa tiegħu li jagħmel kollox.

²¹L-ilsir jgħid lil sidu: “Ma nagħmilx dak li trid.” Imqar jekk wara dan jagħmlu, jgħaddab lil dak li qed iżommu.

²²M’hemmx għerf fit-tagħlim tal-ħażen, u m’hemmx għaqal fejn hemm il-parir tal-midinbin.

²³Hemm għaqal ħażin ta’ min jistmerru, imma hemm ukoll l-iblah li jonqsu l-għerf.

²⁴Aħjar min hu nieqes minn moħħu, imma jibża’ minn Alla, minn min hu bil-għaqal iżżejjed, imma jikser il-Liġi.

²⁵Hemm għaqal ħażin, imma inġust; u hemm min jinqeda bil-ħażen ta’ moħħu, biex jikseb li jkun ħaqqu.

²⁶Hemm min b’ħażen ibaxxi rasu u juri wiċċ imnikket, imma minn ġewwa hu mimli qerq.

²⁷Jaħbi wiċċu u jilgħabha tat-trux, imma, meta ħadd ma jarah, jaqlibhielek.

²⁸U jekk għax tonqsu l-ħila ma jidnibx, meta jiġih il-waqt jagħmel id-deni.

²⁹Bniedem jingħaraf mid-dehra tiegħu, u bniedem għaref jingħaraf minn wiċċu.

³⁰Il-libsa ta’ bniedem, id-daħk fuq fommu, u mixjitu, juruk x’inhu.