Read Maltese Bible with DC – IL-BIBBJA IL-KOTBA MQADDSA BIN SIRAK 25 Bible Online

BIN SIRAK 25 - Maltese Bible with DC – IL-BIBBJA IL-KOTBA MQADDSA bible

BIN SIRAK 25

¹Il-proverbji Bi tliet ħwejjeġ titgħaxxaq ruħi[40] u dawn fihom għaxqa quddiem il-Mulej u l-bnedmin: ftehim bejn l-aħwa, ħbiberija bejn il-ġirien, u mara u żewġha li jgħixu f’għaqda bejniethom.

²Tliet xorta ta’ nies tobgħod ruħi, u nagħdab għall-aħħar bil-ħajja tagħhom: fqir mimli bih innifsu, għani giddieb, u xiħ żieni nieqes mid-dehen. Ix-xjuħ

³Fiż-żgħożija ma ġbartx; kif se ssib fi xjuħitek?

⁴Kemm hi ħaġa sabiħa li min xagħru bjadlu jkun jaf jagħmel ġudizzju, u li min hu xiħ ikun jaf jagħti parir.

⁵Kemm hi ħaġa sabiħa li min hu xiħ ikollu l-għerf, u li min hu ta’ ġieħ ikollu l-fehma u l-parir.

⁶L-esperjenza kbira hi l-kuruna tax-xjuħ, u l-biża’ tal-Mulej il-ftaħir tagħhom. Qwiel numeriċi

⁷B’disa’ ħsibijiet nithenna f’qalbi, imma l-għaxar wieħed inxandru b’ilsieni: bniedem jifraħ b’uliedu, min jibqa’ ħaj biex jara l-waqgħa tal-għedewwa tiegħu;

⁸imbierek min jaqsam daru ma’ mara għaqlija; min ma żelaqx b’ilsienu, min ma sarx qaddej ta’ wieħed inqas minnu;

⁹imbierek min sab l-għaqal, min ikellem lil dawk li jagħtuh widen.

¹⁰Kemm hi ħaġa kbira li wieħed isib l-għerf, imma m’hemmx aqwa minn min jibża’ mill-Mulej.

¹¹Il-biża’ tal-Mulej jisboq fuq kollox, u min tgħallmu sewwa ma’ xiex se xxebbhu?

¹²Il-biża’ tal-Mulej[41] hu l-bidu ta’ mħabbtu il-fidi hi l-bidu tal-għaqda miegħu. In-nisa

¹³Kull ġerħa ġerħa, imma mhux ġerħa fil-qalb! Kull ħażen ħażen, imma mhux il-ħażen ta’ mara!

¹⁴Kull deni deni, imma mhux id-deni ta’ min jobgħodni. Kull vendetta vendetta, imma mhux il-vendetta tal-għadu.

¹⁵M’hemmx semm agħar minn semm serp, u m’hemmx għadab agħar minn għadab l-għadu.

¹⁶Iktar ngħix ma’ ljun jew inkun għal qalbi ma’ dragun milli ngħix ma’ mara ħażina.

¹⁷Il-ħażen ta’ mara jbiddlilha bixritha, u jdallmilha wiċċha daqs ta’ ors.

¹⁸Ir-raġel tagħha jiekol mal-ġirien tiegħu, u bla ma jrid jitniehed bl-imrar f’qalbu.

¹⁹Kull ħażen mhu xejn ħdejn il-ħażen ta’ mara; jalla tmissha x-xorti tal-midinbin!

²⁰Telgħa tar-ramel għal riġlejn xiħ; hekk hi mara lsienha twil għal raġel kwiet.

²¹Taqax għas-sbuħija ta’ mara, u tixxennaqx għal ġidha.

²²Hu għadab, wiċċ sfiq u għajb kbir li mara tmantni lil żewġha.

²³Telqa fir-ruħ, wiċċ imnikket, u qalb muġugħa, dawn iġġiblek mara ħażina. Idejn mitruħa u rkupptejn imriegħda jfissru mara li ’l żewġha ma thennihx.

²⁴Il-bidu tad-dnub permezz ta’ mara[42], u minħabba fiha lkoll immutu.

²⁵L-ilma tagħtihx mnejn joħroġ, mara ħażina tħallihiex titkellem.

²⁶Warrabha minnek jekk ma timxix kif tgħidilha.