Read Maltese Bible with DC – IL-BIBBJA IL-KOTBA MQADDSA BIN SIRAK 30 Bible Online

BIN SIRAK 30 - Maltese Bible with DC – IL-BIBBJA IL-KOTBA MQADDSA bible

BIN SIRAK 30

¹It-trobbija tal-ulied Min iħobb ’il ibnu, ta’ sikwit, jagħtih is-swat, ħalli fl-aħħar ikollu biex jifraħ.

²Min lil ibnu jżommlu, ibnu jkun għalih ta’ ġieħ, u jiftaħar bih man-nies li jafhom.

³Min irabbi tajjeb ’il ibnu jqanqal l-għira tal-għadu, u jkun ferħan bih quddiem il-ħbieb.

⁴Itemm ħajtu missieru, imma daqskieku ma mietx, għax iħalli warajh wieħed bħalu.

⁵Tul ħajtu rah u kellu biex jifraħ, u meta wasal fit-tmiem ma kellux biex jitnikket.

⁶Ħalla warajh wieħed biex jitħallas mill-għedewwa, u ieħor biex irodd lura lil ħbiebu l-favuri tagħhom.

⁷Min ifissed lil ibnu, ikollu mbagħad jinfaxxa l-ġrieħi tiegħu stess, u jinfena minn ġewwa bl-hemm ma’ kull għajta.

⁸Żiemel li mhux mans ikun ta’ rasu, u iben mhux imrażżan ikun rasu iebsa.

⁹Fissed lil ibnek, u jħallik imnixxef, iċċajta miegħu u jgħallik.

¹⁰Tidħaklux biex ma jnikktekx, u fl-aħħar tgħażżeż snienek.

¹¹Tagħtihx setgħat f’żgħożitu, u tagħlaqx għajnejk għan-nuqqas tiegħu.

¹²Baxxilu rasu f’żgħożitu, agħtih fuq ġenbejh sakemm għadu tifel, li ma jmurx joħroġ rasu iebsa u ma joqgħodx għalik.

¹³Widdeb lil ibnek u żommlu iebes, biex ma tixgħofx bl-għajb tiegħu. Is-saħħa

¹⁴Aħjar fqir imma qawwi u sħiħ, minn wieħed għani u ġismu kollu wġigħ.

¹⁵Aħjar wieħed f’saħħtu u f’siktu milli jkollu ħafna deheb, u ġisem mibni sewwa b’ġid bla qjies,

¹⁶M’hawnx ġid aqwa mis-saħħa tal-ġisem, u m’hawnx ferħ aqwa mill-hena tal-qalb.

¹⁷Aħjar il-mewt minn ħajja ta’ mrar[44], u l-mistrieħ ta’ dejjem minn marda għal għomrok.

¹⁸Ġid imsawwab f’ħalq magħluq, hu bħal offerti ta’ ikel fuq xi qabar.

¹⁹X’tiswa offerta tal-frott lil idolu? Għax hu la jiekol u lanqas ixomm; hekk min laqtu l-Mulej:

²⁰jara b’għajnejh u jitriegħed, bħal ewnuku li jħaddan xebba. L-hena

²¹Tintrebaħx min-niket u tinfeniex bl-inkwiet.

²²Hena tal-qalb hi ħajja għall-bniedem, u l-ferħ ta’ bniedem itawwallu jiemu.

²³Derri u farraġ qalbek, u n-niket warrbu ’l bogħod, għax in-niket wassal ħafna għat-telfien, u ma jiswa għal xejn.

²⁴L-għira u l-għadab iqassrulek jiemek, u l-inkwiet żejjed ixejħek qabel iż-żmien.

²⁵Bniedem ferrieħi jiekol bil-qalb; u joqgħod attent x’jiekol.