Read Maltese Bible with DC – IL-BIBBJA IL-KOTBA MQADDSA BIN SIRAK 49 Bible Online

BIN SIRAK 49 - Maltese Bible with DC – IL-BIBBJA IL-KOTBA MQADDSA bible

BIN SIRAK 49

¹Ġosija It-tifkira ta’ Ġosija hi bħal taħlita inċens, imħejjija bis-sengħa ta’ fewwieħ. Fuq fomm kulħadd hi ħelwa għasel, u hi bħal mużika waqt festa bl-inbid.

²Hu mexa dritt u kkonverta l-poplu, u neħħa l-għajb tal-idoli pprojbiti mil-Liġi.

³Ħsiebu kien fil-Mulej, u fi żmien nies li ma ridux jafu b’Liġi saħħaħ il-qima ta’ Alla. L-aħħar slaten u l-profeti

⁴Barra minn David, Ħeżekija, u Ġosija, kollha żbaljaw bl-ikrah; għax telqu l-Liġi tal-Għoli, is-slaten ta’ Ġuda għebu,

⁵għax qawwiethom tawha lil ħaddieħor, u sebħhom lil ġens barrani.

⁶Taw in-nar lill-belt magħżula tat-tempju, u triqatha għamluhom ħerba,

⁷kif kien qal Ġeremija. Għax ġiebu ruħhom ħażin miegħu, għad li kien ikkonsagrat profeta sa minn ġuf ommu, biex jaqla’, jeqred u jħott, jibni u jħawwel.

⁸Kien Eżekjel li ra d-dehra tal-glorja, li Alla wrieh fuq il-karrijiet tal-kerubini.

⁹Għax ftakar fl-għedewwa tiegħu b’xita qalila, u għamel il-ġid ma’ dawk li triqathom kienu dritti.

¹⁰U l-għadam tat-tnax-il profeta jalla jieħu r-ruħ minn fejn qiegħed; għax sabbru lil ulied Ġakobb, u fdewhom b’fidi u tama. Żerubbabel u Ġożwè

¹¹Kif nistgħu nuru l-kobor ta’ Żerubbabel? Kien bħal siġill f’id il-leminija,

¹²hekk ukoll Ġożwè bin Ġeħosadak; fi żmienhom bnew it-tempju, u tellgħu d-dar qaddisa tal-Mulej, iddestinata għall-glorja ta’ dejjem. Neħemija

¹³It-tifkira ta’ Neħemija tibqa’ wkoll għal dejjem, hu talla’ għalina d-djar imġarrfa tagħna, u qiegħed il-bibien u l-istaneg, u raġa’ bena djarna. Ħarsa lura

¹⁴Ħadd ma kien maħluq fuq l-art bħal Ħenok; hu ttieħed minn fuq l-art.

¹⁵Qatt ma twieled bniedem bħal Ġużeppi, kien mexxej ta’ ħutu, fuqu l-poplu kien iserraħ. Dawn ħadu ħsieb sal-fdal t’għadmu.

¹⁶Sem u Set kienu mweġġħin mill-bnedmin, u fuq kull ħaj fil-ħolqien hemm Adam.