Read Maltese Bible with DC – IL-BIBBJA IL-KOTBA MQADDSA BIN SIRAK 5 Bible Online

BIN SIRAK 5 - Maltese Bible with DC – IL-BIBBJA IL-KOTBA MQADDSA bible

BIN SIRAK 5

¹L-għana u l-preżunzjoni Isserraħx fuq il-ġid li għandek, u tgħidx, ‘Dan biżżejjed għalija.’

²Tħallix il-ġibdiet u saħħtek imexxuk huma, biex timxi wara dak li tixtieq qalbek.

³U tgħidx: “Min jista’ għalija,” għax il-Mulej żgur jitħallas minnek.

⁴Tgħidx: “Dnibt! B’daqshekk xi ġrali!” għax il-Mulej idum biex jagħdab.

⁵La sserraħx rasek mill-maħfra, hekk li żżid dnub fuq ieħor.

⁶U tgħidx, “Il-ħniena tiegħu kbira; jaħfirli l-kotra ta’ dnubieti”; għax kemm il-ħniena u kemm l-għadab huma tiegħu, imma fuq il-midinbin iniżżel l-għadab.

⁷Toqgħodx tistenna biex iddur lejn il-Mulej, u tħallix minn jum għal ieħor, għax ħin bla waqt jasal għadab il-Mulej, u meta jiġi biex jitħallas minnek, tintilef għalkollox.

⁸Isserraħx fuq ġid li qlajt bil-qerq, għax xejn ma jkun jiswielek fi żmien l-għawġ. Is-sinċerità u r-rażan

⁹Idderrix fl-irjieħ kollha[6], u timxix f’kull mogħdija: jagħmel hekk il-midneb li issa jgħid ħaġa u issa oħra.

¹⁰Kun sod fil-fehma tiegħek u għid dejjem l-istess kliem.

¹¹Kun ħafif biex tisma’, imma aħsibha qabel twieġeb.

¹²Jekk tifhem f’xi ħaġa, wieġeb lill-ġar tiegħek, imma jekk le, qiegħed idek fuq fommok.

¹³Ġieħ u għajb iġib il-kliem, u lsien il-bniedem hu t-telfien tiegħu.

¹⁴Tħallix min isejjaħlek giddieb, u tistad lil ħadd b’ilsienek,

¹⁵għax, jekk il-ħalliel hu bla ġieħ, min jitkellem issa mod u issa ieħor jikkundannawh.

¹⁶La titqarraqx la fi ħwejjeġ kbar, u lanqas fi ħwejjeġ żgħar, u flok ta’ ħabib iġġibx ruħek ta’ għadu,