Read Maltese Bible with DC – IL-BIBBJA IL-KOTBA MQADDSA ISAIJA 15 Bible Online

ISAIJA 15 - Maltese Bible with DC – IL-BIBBJA IL-KOTBA MQADDSA bible

ISAIJA 15

¹L-oraklu kontra Mowab[52]: “F’lejl wieħed tħarbtet, Għar-mowab inqerdet; f’lejl wieħed tħarbtet, Kir-mowab inqerdet.

²Telgħet bint Dibon, tibki fuq l-għoljiet għal Nebo u Medeba, jixher Mowab. Kull ras imqarwża, kull leħja mqaxxra!

³Fi triqtu lebsin l-ixkejjer, u fuq bjutu jnewħu, fil-pjazez tiegħu jixhru bid-dmugħ iġelben!

⁴U jwerżaq Ħesbon u Elgħali, għajjathom jinstama’ sa minn Ġaħas. Għalhekk ġenbejn Mowab jitriegħdu, u jitħawwad f’ruħu.

⁵Qalbi tgħajjat għal Mowab; il-maħrubin tiegħu jiġru lejn Sogħar, lejn Għeglat-selisija. Iva, it-telgħa ta’ Luħit jitilgħuha jibku; iva, fi triq Ħoronajm, jgħajtu għajjat ta’ qsim il-qalb.

⁶Għax l-ilmijiet ta’ Nimrim saru ħerba, nixef il-ħaxix, għab l-inbiet, m’hemm ebda ħdura.

⁷Għalhekk kulma kisbu, u kulma ħażnu, għal Wied il-Luq ġarrewh.

⁸Għax it-twerżiq ġera madwar truf Mowab, sa Eglajm jidwi x-xhir tagħha, u l-għajjat sa Bir-elim.

⁹L-ilmijiet ta’ Dimon mimlija demm, u għad nissokta nżid kontra Dimon, l-iljuni għall-maħrubin minn Mowab, u għal min jibqa’ fil-pajjiż.