Read Maltese Bible with DC – IL-BIBBJA IL-KOTBA MQADDSA ISAIJA 18 Bible Online

ISAIJA 18 - Maltese Bible with DC – IL-BIBBJA IL-KOTBA MQADDSA bible

ISAIJA 18

¹“Gwaj għall-art tal-insetti jżanżnu[62], ’l hemm mix-xmajjar ta’ Kus.

²Tibgħat messaġġiera bil-baħar, f’dgħajjes tal-bordi[63] fuq wiċċ l-ilma! Morru, messaġġiera ħfief, għand ġens ta’ nies misluta b’ġilda mielsa, għand poplu jbażża’ fil-qrib u fil-bogħod, ġens qawwi u rebbieħ, artu jaqsmuha x-xmajjar.

³Intom ilkoll li tgħammru d-dinja, intom li tgħixu fl-art, malli jitla’ s-sinjal fuq l-għoljiet, ħarsu; isimgħu malli ddoqq it-tromba.

⁴Għax dan qalli l-Mulej: ‘Jien inħares bi kwieti mill-għamara tiegħi, bħas-sħana kalma tas-sirġa tax-xemx, bħal sħaba nida fis-sħana tal-ħsad.’

⁵Għax qabel il-ħsad, meta jintemm l-inwar, il-fjura ssir għanqud misjur, imbagħad jinżabru l-friegħi bl-imqass, u ż-żraġen jitqaċċtu u jintremew.

⁶Jitħallew gozz għat-tajr tal-priża; u l-bhejjem tal-art. Fuqhom jgħaddu s-sajf it-tajr tal-priża; u l-bhejjem kollha tal-art jgħaddu x-xitwa.

⁷F’dak iż-żmien iġib offerta lill-Mulej tal-eżerċti poplu ta’ nies misluta b’ġilda mielsa - poplu jbażża’ fil-qrib u fil-bogħod, ġens qawwi u rebbieħ, artu jaqsmuha x-xmajjar - fil-post ta’ isem il-Mulej tal-eżerċti, fuq l-għolja ta’ Sijon.”