Read Maltese Bible with DC – IL-BIBBJA IL-KOTBA MQADDSA ISAIJA 20 Bible Online

ISAIJA 20 - Maltese Bible with DC – IL-BIBBJA IL-KOTBA MQADDSA bible

ISAIJA 20

¹Fis-sena meta Tartan kien mibgħut minn Sargon, sultan tal-Assirja, u ħabat għal Asdod u ħadha f’idejh,

²f’dak iż-żmien tkellem il-Mulej permezz ta’ Isaija bin Amos u qallu: “Mur, ħoll il-libsa tax-xkejjer minn ġenbejk u neħħi l-qorq minn riġlejk.” U għamel hekk, u kien jimxi għarwien u ħafi.

³U l-Mulej qal: ‘Bħalma l-qaddej tiegħi Isaija kien jimxi għarwien u ħafi għal tliet snin b’sinjal u theddida għall-Eġittu u għal Kus,

⁴hekk issa s-sultan tal-Assirja jkaxkar il-priġunieri mill-Eġittu u l-itturufnati minn Kus[68], żgħażagħ u xjuħ għeriewen u ħafjin, b’warranihom mikxuf b’għajb għall-Eġittu.

⁵U jitħawdu u jistħu minħabba Kus, it-tama tagħhom, u mill-Eġittu, il-ftaħir tagħhom.

⁶U dakinhar dawk li jgħammru f’din ix-xtajta jgħidu: “Araw, din kienet it-tama tagħna, għandhom morna maħruba għall-għajnuna biex neħilsu mis-sultan tal-Assirja! U issa aħna kif se nsalvaw?”