Read Maltese Bible with DC – IL-BIBBJA IL-KOTBA MQADDSA ISAIJA 4 Bible Online

ISAIJA 4 - Maltese Bible with DC – IL-BIBBJA IL-KOTBA MQADDSA bible

ISAIJA 4

¹U dakinhar jaqbdu seba’ nisa ma’ raġel wieħed[11] u jgħidulu: “Nieklu ħobżna u nxiddu lbiesna, biżżejjed nissejħu b’ismek; neħħi l-għajb minn fuqna.”

²Dakinhar ir-rimja tal-Mulej[12] tkun ġmiel u glorja, u l-frott tal-art ikun kburija u żina tal-fdal ta’ Iżrael.

³U jiġri li min jibqa’ f’Sijon u min jitħalla f’Ġerusalemm, qaddis jissejjaħ, min hu miktub għall-ħajja f’Ġerusalemm.

⁴Meta Sidi jkun naddaf il-ħmieġ tal-bniet ta’ Sijon, u ħasel id-dmija ta’ Ġerusalemm minn ġo nofsha b’ruħ il-ġustizzja u b’riħ il-qerda,

⁵joħloq il-Mulej fuq il-medda kollha tal-muntanja ta’ Sijon, u fuq in-nies miġmugħa fiha sħaba binhar u duħħan, u dija ta’ nar iħeġġeġ billejl, għax fuq kollox tinfirex il-glorja

⁶bħal għarix għad-dell mis-sħana binhar u kenn u lqugħ mill-irwiefen u x-xita.