Read Maltese Bible with DC – IL-BIBBJA IL-KOTBA MQADDSA ISAIJA 46 Bible Online

ISAIJA 46 - Maltese Bible with DC – IL-BIBBJA IL-KOTBA MQADDSA bible

ISAIJA 46

¹Iltewa Bel[140], tgħawweġ Nebu! Saru xbihathom tagħbija għall-bhejjem, tagħbija għad-dbejjeb; tagħbijietkom tagħbija għall-bhejjem mifnija.

²Tgħawġu u ltwew flimkien, ma jifilħux isalvaw lil min iġorrhom; u huma nfushom imorru fil-jasar.

³Isimgħuni, dar Ġakobb, u l-fdal kollu ta’ dar Iżrael; ġarrejtkom sa mit-twelid, erfajtkom sa mill-ġuf.

⁴Sa xjuħitkom jien dejjem hu, sa meta jibjad xagħarkom nibqa’ nġorrkom. Jiena għamiltkom u jien nitgħabba bikom; u jien inġorrkom u nsalvakom.

⁵Ma’ min se xxebbhuni u ddaqqsuni, tqabbluni bħallikieku ndaqs?

⁶Dawk li joħorġu d-deheb mill-ħorġa u jiżnu l-fidda bil-miżien, jikru l-arġentier biex jagħmilhielhom alla, li mbagħad quddiemu jmilu u jqimuh wiċċhom mal-art!

⁷Jerfgħuh fuq l-ispallejn u jġorruh, u jqegħduh f’postu u jibqa’ hemm, u minn postu ma jiċċaqlaqx. Jekk xi ħadd isejjaħlu, ma jweġibx, u minn hemmu ma jeħilsux.

⁸Ftakru f’dan u kunu rġiel; aħsbu fih, ja midinbin.

⁹Ftakru fl-ibgħad żminijiet, għax jien hu Alla, u ħadd ħliefi m’hemm. Jien Alla u m’hemm ħadd bħali.

¹⁰Sa mill-bidu ngħarraf it-tmiem, u sa minn qabel dak li ma seħħx, u ngħid: ‘Il-ħsieb tiegħi għad iseħħ, u nagħmel kulma rrid:

¹¹insejjaħ tajra tal-priża[141] mil-Lvant, mill-art imbiegħda l-bniedem li jtemm ħsiebi. Hekk tkellimt u hekk nagħmel; hekk iddeċidejt, u nagħmel hekk.

¹²Isimgħuni intom ta’ qalb iebsa, intom l-imbegħdin mis-sewwa

¹³Inqarreb il-ġustizzja tiegħi: mhijiex fil-bogħod, u s-salvazzjoni tiegħi ma tiddawwarx. U nqiegħed is-salvazzjoni f’Sijon għal Iżrael, il-foħrija tiegħi.”