Read Maltese Bible with DC – IL-BIBBJA IL-KOTBA MQADDSA BÀRUK 5 Bible Online

BÀRUK 5 - Maltese Bible with DC – IL-BIBBJA IL-KOTBA MQADDSA bible

BÀRUK 5

¹Neħħi minn fuqek, Ġerusalemm, ilbies il-vistu u n-niket tiegħek, u ilbes għal dejjem id-dija tal-glorja ta’ Alla.

²Ilbes mantar il-ġustizzja ta’ Alla, qiegħed fuq rasek id-dijadema tal-glorja ta’ Alla ta’ dejjem.

³Għax Alla għad juri sbuħitek lid-dinja taħt ix-xemx,

⁴Alla jsemmik għal dejjem: “Sliem tal-Ġustizzja u Glorja tal-Qima ta’ Alla.”

⁵Qum, Ġerusalemm, itla’ fl-għoli, u ħares madwarek lejn il-Lvant, ara ’l uliedek miġmugħa, minn fejn tinżel ix-xemx sa fejn titla’, għall-kelma tal-Qaddis, ferħana li Alla ftakar fihom.

⁶Telqu mingħandek bil-mixi, imkarkra mill-għedewwa, u issa Alla se jġibhomlok, merfugħin fil-ġieħ bħalkieku fuq tronijiet is-slaten.

⁷Għax Alla ordna; jitniżżlu l-muntanji għolja, u l-għoljiet ta’ dejjem, jimtlew il-widien u titwitta l-art, biex hemm Iżrael jimxi ’l quddiem, bla tfixkil ta’ xejn, taħt il-ħarsien ta’ Alla.

⁸U l-foresti u s-siġar tal-fwieħa, jixħtu dellhom għal fuq Iżrael, bl-ordni ta’ Alla.

⁹Għax Alla jmexxi lil Iżrael ferħan, b’dawl il-glorja tiegħu, imsieħba mill-ħniena u l-ġustizzja ħierġa minnu.