Read Maltese Bible with DC – IL-BIBBJA IL-KOTBA MQADDSA HOSEGĦA 12 Bible Online

HOSEGĦA 12 - Maltese Bible with DC – IL-BIBBJA IL-KOTBA MQADDSA bible

HOSEGĦA 12

¹Dawwarni bil-gideb Efrajm, u bil-qerq id-dar ta’ Iżrael; u Ġuda għadu jtalla’ u jniżżel dwar Alla, Alla l-Qaddis u l-fidil.

²Efrajm jirgħa r-riħ, u jiġri wara x-Xlokk kuljum; u jżid fil-gideb u l-qerq. Jagħmel patt mal-Assirja[45] u lejn l-Eġittu jġorr iż-żejt.

³Il-Mulej għandu xi jgħid ma’ Iżrael[46] u jikkastiga lil Ġakobb għal imġibtu, u jroddlu skont għemilu.

⁴F’ġuf ommu qabad għarqub ħuh, u fl-aqwa tiegħu ssara ma’ Alla.

⁵Issara mal-anġlu u għelbu, beka u talbu l-ħniena, F’Betel sab lil Alla; u hemm Alla tkellem miegħu,

⁶il-Mulej, Alla tal-eżerċti, Jaħweh ismu:

⁷“Bil-għajnuna ta’ Alla tiegħek, int terġa’ lura fl-għerejjex tiegħek: ħares it-tjieba u l-ġustizzja, u ttama dejjem f’Alla tiegħek.”

⁸Kangħan għandu f’idu miżien ħażin, u jħobb iqarraq.

⁹U Efrajm qal: “Isma’, jien stagħnejt, ksibt il-ġid għalija!” Imma milli daħħal xejn ma jibqagħlu, minħabba l-ħażen li għamel.

¹⁰Jiena l-Mulej Alla tiegħek sa mill-art tal-Eġittu. Nerġa’ nqiegħdek tgħammar taħt it-tined bħal fil-jiem tal-laqgħa.

¹¹U kellimt lill-profeti u kattart id-dehriet; u permezz tal-profeti nitkellem bil-parabboli.

¹²Jekk f’Gilgħad hemm il-ħażen, żgur għad jiġu fix-xejn. F’Gilgal imbagħad offrew il-gniedes. L-artali tagħhom isiru gzuz tal-ġebel fir-raddi tar-raba’.

¹³U Ġakobb ħarab lejn ir-raba’ ta’ Aram, u Iżrael ħadem għal mara, u għal mara għamilha ta’ għassies.

¹⁴U permezz ta’ profeta[47] talla’ l-Mulej lil Iżrael mill-Eġittu, u permezz ta’ profeta kien imħares.

¹⁵Imma Efrajm lill-Mulej inkorla sewwa, għalhekk demmu jitwaddab fuqu, u Sidu jroddlu l-għajb tiegħu.