Read Maltese Bible with DC – IL-BIBBJA IL-KOTBA MQADDSA HOSEGĦA 3 Bible Online

HOSEGĦA 3 - Maltese Bible with DC – IL-BIBBJA IL-KOTBA MQADDSA bible

HOSEGĦA 3

¹U qalli l-Mulej: “Erġa’ mur, u ħobb il-mara, maħbuba minn żewġha, li ħallietu biex tingħaqad ma’ rġiel oħra; l-istess kif il-Mulej iħobb ’l ulied Iżrael, għalkemm huma jduru lejn allat oħra u jħobbu l-ftajjar taż-żbib[14].”

²U xtrajtha għal ħmistax-il biċċa tal-fidda u xkora u nofs[15] xgħir,

³u għedtilha: “Int tibqa’ miegħi għal żmien twil, ma tiżnix u ma tkunx ta’ xi raġel ieħor; u hekk ukoll jien nagħmel miegħek.”

⁴Għaliex ulied Iżrael jibqgħu għal żmien twil bla sultan u bla prinċep[16], bla sagrifiċċju u bla plieri, bla efod u bla terafim.

⁵Imbagħad ulied Iżrael jerġgħu lura jfittxu lill-Mulej, Alla tagħhom, u lil David, is-sultan tagħhom[17]; jersqu jitriegħdu quddiem il-Mulej, jersqu biex jieħdu l-ġid tal-Mulej fil-jiem li għad iridu jiġu.