Read Maltese Bible with DC – IL-BIBBJA IL-KOTBA MQADDSA ĠOEL 3 Bible Online

ĠOEL 3 - Maltese Bible with DC – IL-BIBBJA IL-KOTBA MQADDSA bible

ĠOEL 3

¹“Wara dan, jiġri li jiena nsawwab l-Ispirtu tiegħi[6] fuq il-ħlejjaq kollha. Uliedkom iħabbru, subien u bniet, ix-xjuħ tagħkom ikollhom ħolm, iż-żgħażagħ tagħkom jaraw viżjonijiet.

²U mqar fuq il-qaddejja, irġiel u nisa, insawwab l-ispirtu tiegħi f’dawk il-jiem.

³Fis-sema u l-art nuri sinjali, demm u nar u kolonni ta’ duħħan!

⁴Ix-xemx tinbidel fi dlam, u l-qamar f’demm, qabel ma jasal Jum il-Mulej, kbir u tal-biża’!

⁵U kull min isejjaħ isem il-Mulej jinħeles, għax fuq il-muntanja Sijon ikun hemm is-salvazzjoni, kif qal il-Mulej, u f’Ġerusalemm jibqgħu xi wħud li l-Mulej isejjaħ.