Read Maltese Bible with DC – IL-BIBBJA IL-KOTBA MQADDSA NUMRI 26 Bible Online

NUMRI 26 - Maltese Bible with DC – IL-BIBBJA IL-KOTBA MQADDSA bible

NUMRI 26

¹Wara l-flaġell[43], il-Mulej kellem lil Mosè u lil Elgħażar, bin Aron il-qassis, u qalilhom:

²“Għoddu l-ġemgħa kollha ta’ wlied Iżrael minn għoxrin sena ’l fuq skont id-djar ta’ missirijiethom; għoddu lil dawk kollha tajbin għall-gwerra f’Iżrael.”

³U Mosè u Elgħażar il-qassis kellmuhom fil-wita ta’ Mowab, ħdejn il-Ġordan, biswit Ġeriko, u qalulhom:

⁴“Għoddu ’l dawk kollha minn għoxrin sena ’l fuq,” skont ma kien ordna l-Mulej. Ulied Iżrael li ħarġu mill-Eġittu kienu dawn:

⁵Ruben, il-kbir ta’ Iżrael; ulied Ruben, minn Ħanok, il-familja tal-Ħanokin; minn Pallu, il-familja tal-Palluwin;

⁶minn Ħesron, il-familja tal-Ħesronin; minn Karmi, il-familja tal-Karmin.

⁷Dawn huma l-familji tar-Rubenin, li kienu jlaħħqu tlieta u erbgħin elf, seba’ mija u tletin ruħ.

⁸Ulied Pallu, Elijab;

⁹u wlied Elijab: Nemwel, Datan u Abiram; Datan u Abiram, dawk stess li kienu magħżula mill-ġemgħa, li qamet kontra Mosè u kontra Aron, li flimkien mal-klikka ta’ Koraħ ħaduha mal-Mulej.

¹⁰U fetħet l-art fommha u belgħet lilhom u ’l Koraħ, u mietet il-klikka tagħhom, u n-nar kiel mitejn u ħamsin raġel biex ikunu ta’ eżempju.

¹¹Imma wlied Koraħ ma mitux.

¹²Ulied Simgħon skont il-familji tagħhom: minn Nemwel, il-familja tan-Nemwelin; minn Ġamin, il-familja tal-Ġaminin; minn Ġakin, il-familja tal-Ġakinin.

¹³Minn Żeraħ, il-familja taż-Żeraħin; minn Sawl, il-familja tas-Sawlin.

¹⁴Dawn huma l-familja ta’ Simgħon, tnejn u għoxrin elf u mitejn ruħ.

¹⁵Ulied Gad skont il-familji tagħhom: minn Sefun il-familja tas-Sefunin; minn Ħaggi, il-familja tal-Ħaggin; minn Suni, il-familja tas-Sunin;

¹⁶minn Ożni, il-familja tal-Ożnin; minn Għeri, il-familja tal-Għerin;

¹⁷minn Arod, il-familja tal-Arodin; minn Areli, il-familja tal-Arelin.

¹⁸Dawn huma l-familji ta’ wlied Gad, li kienu jlaħħqu erbgħin elf u ħames mitt ruħ.

¹⁹Ulied Ġuda, Għer u Onan, mietu t-tnejn f’art Kangħan.

²⁰Ulied Ġuda skont il-familji tagħhom kienu dawn: minn Sela, il-familja ta’ Selanin; minn Pereż, il-familja tal-Periżżin; minn Żeraħ, il-familja taż-Żeraħin;

²¹u wlied Pereż: minn Ħesron, il-familja tal-Ħesronin; minn Ħamul, il-familja tal-Ħamulin.

²²Dawn huma l-familji ta’ Ġuda, li kienu jlaħħqu sitta u sebgħin elf u ħamest mitt ruħ.

²³Ulied Issakar skont il-familji tagħhom kienu dawn: minn Tola’, il-familja tat-Tolagħin; minn Puwa, il-familja tal-Puwin;

²⁴minn Ġasub, il-familja tal-Ġasubin; minn Simron, il-familja tas-Simronin.

²⁵Dawn huma l-familji ta’ Issakar, li kienu jlaħħqu erbgħa u sittin elf u tliet mitt ruħ.

²⁶Ulied Żebulun skont il-familji tagħhom kienu: minn Sared, il-familja tas-Saredin; minn Elon, il-familja tal-Elonin; minn Ġaħlijel, il-familja tal-Ġaħlijelin.

²⁷Dawn huma l-familji taż-Żebulunin, li kienu jlaħħqu sittin elf u ħames mitt ruħ.

²⁸Ulied Ġużeppi skont il-familji ta’ Manassi u Efrajm.

²⁹Ulied Manassi: minn Makir, il-familja tal-Makirin; Makir wiled lil Gilgħad, u minn Gilgħad, il-familja tal-Gilgħadin.

³⁰Dawn huma wlied Gilgħad: minn Ijjeżer, il-familja tal-Ijjeżerin: minn Ħelek, il-familja tal-Ħelekin;

³¹minn Asrijel, il-familja tal-Asrijelin, u minn Sikem, il-familja tas-Sikemin;

³²minn Semida’, il-familja tas-Semidagħin; minn Ħefer, il-familja tal-Ħefrin.

³³Selofħad bin Ħefer ma kellux tfal subien, imma bniet; u l-bniet ta’ Selofħad kien jisimhom: Maħla, Nogħa, Ħogla, Milka u Tirsa.

³⁴Dawn huma l-familji ta’ Manassi, li kienu jlaħħqu tnejn u ħamsin elf u seba’ mitt ruħ.

³⁵Dawn huma wlied Efrajm skont il-familji tagħhom: minn Sutelaħ, il-familja tas-Sutelaħin; minn Beker, il-familja tal-Bekrin; minn Taħan, il-familja tat-Taħanin.

³⁶Dawn huma wlied Sutelaħ: minn Għeran, il-familja tal-Għeranin.

³⁷Dawn huma l-familji ta’ wlied Efrajm, li kienu jlaħħqu tnejn u tletin elf u ħames mitt ruħ. Dawn huma wlied Ġużeppi skont il-familji tagħhom.

³⁸Dawn huma wlied Benjamin skont il-familji tagħhom: minn Bela’, il-familja tal-Belagħin; minn Asbel, il-familja tal-Asbelin; minn Aħiram, il-familja tal-Aħiramin;

³⁹minn Sefufam, il-familja tas-Sufamin; minn Ħufam, il-familja tal-Ħufamin.

⁴⁰Ulied Bela’ kienu Ard u Nagħman; minn Ard, il-familja tal-Ardin; minn Nagħman, il-familja tan-Nagħamin.

⁴¹Dawn huma wlied Benjamin, skont il-familji tagħhom, li kienu jlaħħqu ħamsa u erbgħin elf u sitt mitt ruħ.

⁴²Dawn huma wlied Dan skont il-familji tagħhom: minn Suħam, il-familja tas-Suħamin. Dawn huma wlied Dan skont il-familji tagħhom.

⁴³Il-familji kollha tas-Suħamin, skont l-għadd tagħhom, kienu jlaħħqu erbgħa u sittin elf u erba’ mitt ruħ.

⁴⁴Ulied Aser skont il-familji tagħhom kienu: minn Imna, il-familja tal-Imnin; minn Ġiswi, il-familja tal-Ġiswin; minn Berigħa, il-familja tal-Berigħin.

⁴⁵Minn ulied Berigħa: minn Ħeber, il-familja tal-Ħebrin; minn Malkijel, il-familja tal-Malkijelin.

⁴⁶U bint Aser kien jisimha Xaraħ.

⁴⁷Dawn kienu l-familji ta’ wlied Aser, skont il-familji tagħhom, li kienu jlaħħqu tlieta u ħamsin elf u erba’ mitt ruħ.

⁴⁸Ulied Naftali skont il-familji tagħhom kienu: minn Ġaħsel, il-familja tal-Ġaħselin; minn Guni, il-familja tal-Gunin;

⁴⁹minn Ġeser, il-familja tal-Ġeserin; minn Sillem, il-familja tas-Sillemin.

⁵⁰Dawn kienu l-familji ta’ Naftali, familja familja, li kienu jlaħħqu ħamsa u erbgħin elf u erba’ mitt ruħ.

⁵¹Dawn ulied Iżrael li kienu magħdudin: b’kollox sitt mitt elf u seba’ mija u tletin ruħ.

⁵²U l-Mulej kellem lil Mosè u qallu:

⁵³“Lil dawn qassmilhom l-art b’wirt skont l-għadd ta’ ismijiethom.

⁵⁴Kulħadd jieħu skont in-nies magħduda tiegħu: tagħti sehem kbir lil min hu ta’ għadd kbir, u sehem żgħir lil min hu ta’ għadd żgħir.

⁵⁵Imma l-art titqassam bix-xorti[44], u jirtuha skont l-ismijiet tat-tribujiet ta’ missirijiethom.

⁵⁶Bix-xorti tqassmu l-wirt bejn il-kbir u ż-żgħir.”

⁵⁷Dawn huma l-Leviti magħdudin skont il-familji tagħhom; minn Gersun, il-familja tal-Gersunin; minn Keħat, il-familja tal-Keħatin; minn Merari, il-familja tal-Merarin.

⁵⁸Dawn huma l-familji ta’ Levi: il-familja tal-Libnin, il-familja tal-Ħebronin, il-familja tal-Maħlin, il-familja tal-Musin, il-familja tal-Koraħin. Keħat wiled lil Għamram.

⁵⁹U l-mara ta’ Għamram kien jisimha Ġokebed bint Levi, u twelditlu l-Eġittu, u lil Għamram wilditlu, lil Aron, u lil Mosè u Mirjam oħthom.

⁶⁰Lil Aron twildulu Nadab, Abiħu, Elgħażar u Itamar.

⁶¹Nadab u Abiħu mietu meta offrew nar profan quddiem il-Mulej.

⁶²Kienu jlaħħqu tlieta u għoxrin elf ruħ, l-irġiel kollha minn xahar ’il fuq. Ma kinux magħduda ma’ wlied Iżrael, għax ebda wirt ma ngħatalhom f’nofs ulied Iżrael.

⁶³Dan hu għadd ulied Iżrael li Mosè u Elgħażar, il-qassis, għamlu fil-wita ta’ Mowab ħdejn il-Ġordan biswit Ġeriko.

⁶⁴F’dawn il-listi ma kien hemm ebda wieħed minn dawk li kienu għaddew Mosè u Aron, il-qassis, fid-deżert ta’ Sinaj;

⁶⁵għax il-Mulej kien qalilhom li huma kellhom imutu żgur fid-deżert, u anqas wieħed biss minnhom ma baqa’ ħaj ħlief Kaleb bin Ġefunni u Ġożwè bin Nun.