Read Maltese Bible with DC – IL-BIBBJA IL-KOTBA MQADDSA 1 KORINTIN 16 Bible Online

1 KORINTIN 16 - Maltese Bible with DC – IL-BIBBJA IL-KOTBA MQADDSA bible

1 KORINTIN 16

¹Dwar il-ġabra għall-qaddisin, agħmlu intom ukoll bħalma ordnajt lill-knejjes tal-Galazja.

²Kull wieħed minnkom, kull l-ewwel tal-ġimgħa[40], iwarrab xi ħaġa u jfaddalha skont ma jista’ biex ma jkunx hemm ġbir meta niġi.

³Meta niġi, imbagħad, jien nibgħat nies li tkunu għażiltu, b’ittri ta’ rakkomandazzjoni, biex jieħdu Ġerusalemm l-offerti tal-ħniena tagħkom.

⁴Jekk nara li jkun jaqbel, immur jien ukoll u neħodhom miegħi.

⁵Jien ngħaddi għandkom meta nkun għaddejt mill-Maċedonja, għax jien għandi f’moħħi li ngħaddi mill-Maċedonja.

⁶Għandi mnejn ukoll noqgħod magħkom għal xi żmien; jekk ma jkollix ngħaddi x-xitwa kollha magħkom; imbagħad intom tqabbduni t-triq għal fejn inkun sejjer.

⁷Ma rridx narakom bis-serqa jien u għaddej; nittama li noqgħod magħkom għal xi żmien, jekk il-Mulej iħallini.

⁸Nieqaf Efesu sa Għid il-Ħamsin.

⁹Hemm bieb kbir miftuħ għalija, fejn nista’ naħdem sewwa, għad li hemm ħafna kontra tiegħi.

¹⁰Jekk Timotju jasal sa għandkom, qisu li ma jkollux għalfejn jibża’ f’nofskom. Hu qiegħed jagħmel ix-xogħol tal-Mulej bħali;

¹¹għalhekk ħadd ma għandu jonqsu. Imbagħad ibagħtuh bis-sliem, ħalli jiġi għandi, għax qiegħed nistenna lilu u l-aħwa miegħu.

¹²Dwar ħuna Apollo, bosta drabi ħeġġiġtu biex jiġi sa għandkom flimkien mal-aħwa. Iżda qatt ma ried jiġi għalissa; imma jiġi meta jkun il-waqt li jiġi.

¹³Ishru, żommu sħiħ fil-fidi, kunu qalbiena, saħħu ruħkom ilkoll.

¹⁴Ħa jsir kollox fostkom bl-imħabba.

¹⁵Jien inħeġġiġkom, l-aħwa. Intom tafu li l-familja ta’ Stefanas huma l-ewwel frott fl-Akaja[41], u taw ruħhom għas-servizz tal-qaddisin.

¹⁶Inħeġġiġkom, għalhekk, biex toqogħdu għall-kelma ta’ nies bħal dawn u kull min jitħabat u jaħdem magħhom.

¹⁷Nifraħ biż-żjara ta’ Stefanas, Fortunatu u Akajku, għaliex b’hekk għamlu tajjeb għan-nuqqas tagħkom.

¹⁸Hekk serrħuli moħħi u moħħkom. Nies bħal dawn għożżuhom.

¹⁹Isellmulkom il-knejjes tal-Asja[42]. Isellmulkom ħafna fil-Mulej Akwila u Priska u l-knisja li tiltaqa’ f’darhom.

²⁰Isellmulkom l-aħwa kollha. Sellmu lil xulxin b’bewsa qaddisa.

²¹Din hi t-tislija tiegħi b’idi stess, Pawlu[43].

²²Ħa jkun misħut jekk xi ħadd ma jħobbx il-Mulej. Marana-ta[44]!

²³Il-grazzja ta’ Sidna Ġesù Kristu tkun magħkom.

²⁴L-imħabba tiegħi magħkom ilkoll fi Kristu Ġesù.