Read Maltese Bible with DC – IL-BIBBJA IL-KOTBA MQADDSA 1 TESSALONIKIN 1 Bible Online

1 TESSALONIKIN 1 - Maltese Bible with DC – IL-BIBBJA IL-KOTBA MQADDSA bible

1 TESSALONIKIN 1

¹Pawlu u Silvanu u Timotju lill-knisja ta’ Tessalonika[1] f’Alla l-Missier u l-Mulej Ġesù Kristu: grazzja lilkom u sliem.

²Aħna kull ħin niżżu ħajr lil Alla minħabba fikom ilkoll, u niftakru fikom dejjem meta nitolbu.

³Niftakru fil-ħidma li hi ġejja mill-fidi tagħkom u fit-taħbit li ħiereġ minn imħabbitkom; niftakru fil-qawwa tat-tama tagħkom f’Sidna Ġesù Kristu quddiem Alla Missierna.

⁴Aħna nafu, l-aħwa, li Alla jħobbkom u għażilkom.

⁵Għax l-Evanġelju tagħna lilkom ma kienx biss bil-kliem, imma wkoll bil-qawwa, bl-Ispirtu s-Santu u b’persważjoni sħiħa; intom tafu kif ġibna ruħna meta konna fostkom għall-ġid tagħkom.

⁶Intom sirtu tixbhu lilna u l-Mulej, billi lqajtu l-kelma fost ħafna taħbit bil-ferħ tal-Ispirtu s-Santu.

⁷Hekk intom sirtu mudell għal dawk kollha li emmnu fil-Maċedonja u l-Akaja[2].

⁸Mhux biss il-kelma tal-Mulej ħarġet minn għandkom u xterdet fil-Maċedonja u l-Akaja, imma l-fidi li għandkom f’Alla xterdet ma’ kullimkien b’mod li aħna ma għandna għalfejn ngħidu xejn.

⁹Huma stess jgħidu x’laqgħa kellna għandkom, u kif dortu lejn Alla u tlaqtu l-idoli biex taqdu lil Alla ħaj u veru

¹⁰u tistennew ġej mis-sema lil Ibnu, li hu qajjem mill-imwiet, Ġesù li ħelisna mill-korla li ġejja.