Read Maltese Bible with DC – IL-BIBBJA IL-KOTBA MQADDSA ĠOŻWÈ 15 Bible Online

ĠOŻWÈ 15 - Maltese Bible with DC – IL-BIBBJA IL-KOTBA MQADDSA bible

ĠOŻWÈ 15

¹U x-xorti waqgħet fuq it-tribù ta’ wlied Ġuda, skont il-familji tagħhom, u messithom l-art in-naħa ta’ Edom fid-deżert ta’ Sin, fit-tarf tan-Negeb.

²Il-limiti tan-naħa tan-Nofsinhar kienu jibdew minn tarf il-Baħar il-Mielaħ, mill-ilsien li jdur lejn in-Nofsinhar,

³u joħorġu lejn in-Nofsinhar għat-telgħa ta’ Għakrabbim u jgħaddu minn Sin, u jitilgħu min-Negeb għal Kades-barnigħa, imbagħad jgħaddu minn Ħesron, jitilgħu lejn Addar u jilwu lejn Karka,

⁴jgħaddu minn Għasmon u jibqgħu sejrin sal-wied tal-Eġittu u jispiċċaw f’xifer il-baħar. Dawn huma l-limiti tagħkom tan-Nofsinhar.

⁵Fuq il-Lvant imbagħad kien hemm il-Baħar il-Mielaħ sa fomm il-Ġordan. Il-limiti tat-Tramuntana jibdew minn ilsien il-baħar f’fomm il-Ġordan,

⁶u jitilgħu sa Bet-ħogla, jgħaddu min-naħa tat-Tramuntana ta’ Bet-għaraba, u jibqgħu telgħin sal-ħaġra ta’ Boħan bin Ruben.

⁷U mbagħad jitilgħu f’Debir mill-wied ta’ Għakor, jilwu lejn it-Tramuntana ta’ Gilgal, biswit it-telgħa ta’ Adummim, in-naħa tan-Nofsinhar tal-wied; jgħaddu minn ħdejn l-ilma ta’ Għajn-xemex, u jieħdu sa Għajn-rogel.

⁸Imbagħad dawn il-limiti jitilgħu sal-wied ta’ Bet-ħinnom lejn in-naħa tal-Ġebusin, min-naħa tan-Nofsinhar, jiġifieri Ġerusalemm, mnejn jibqgħu sejrin fuq ras l-għolja li taħbat biswit il-wied ta’ Ħinnom fuq il-Punent, fit-tarf tat-Tramuntana tal-wita ta’ Refajin.

⁹Mill-quċċata tal-għolja l-limiti kienu jilwu lejn l-għajn tal-ilma ta’ Neftuħa u jibqgħu sejrin lejn l-ibliet tal-muntanja Għefron, jilwu lejn Bagħala, li hi Kirjat-ġegħarim,

¹⁰u minn Bagħala ddur lejn il-Punent, lejn il-muntanja ta’ Xegħir, jgħaddu ma’ ġenb il-muntanja ta’ Ġegħarim, fuq it-Tramuntana ta’ Kesalon, jinżlu għal Betxemex, u jgħaddu għal Timna;

¹¹imbagħad joħorġu lejn in-naħa tat-Tramuntana tax-xagħra ta’ Għekron, jilwu lejn Sikkeron, jgħaddu mill-muntanja ta’ Bagħala u jieħdu sa Ġabnel, u jispiċċaw f’tarf il-baħar;

¹²u l-limiti tal-Punent ikun il-Baħar il-Kbir bix-xtut tiegħu. Dawn huma l-limiti dawramejt ta’ wlied Ġuda skont il-familji tagħhom.

¹³Lil Kaleb bin Ġefunni tawh sehem f’nofs ulied Ġuda, skont ma kien ordna l-Mulej lil Ġożwè, jiġifieri, Kirjat-arba, li hi Ħebron; Arba kien missier Għanak.

¹⁴Kaleb keċċa minn hemm it-tliet ulied ta’ Għanak; Sesaj, Aħiman u Talmaj, ulied Għanak.

¹⁵U tala’ minn hemm għal dawk li jgħammru f’Debir; u Debir kien jisimha qabel Kirjat-sefer.

¹⁶U Kaleb qal: “Min jaħbat għal Kirjat-sefer u jeħodha, nagħtih lil binti Għaksa b’martu.”

¹⁷U ħadha Għotnijel bin Kenaż, ħu Kaleb, u dan tah ’il bintu Għaksa b’martu.”

¹⁸Hi u sejra ġagħlitu jitlob għalqa lil missierha; qabżet minn fuq il-ħmar u Kaleb staqsieha: “Xi ġralek?”

¹⁹U hi wieġbet: “Agħtini xi rigal għax art niexfa kulma tajtni, agħtini għallinqas għajn ta’ ilma.” U taha l-għejun ta’ fuq u l-għejun ta’ isfel.

²⁰Dan kien sehem it-tribù ta’ wlied Ġuda skont il-familji tagħhom.

²¹L-ibliet tat-tribù ta’ wlied Ġuda, in-naħa tal-fruntiera ta’ Edom fin-Negeb, kienu dawn: Kabsel, Għeder, Ġagur,

²²Kina, Dimona, Għadgħada,

²³Kedes, Ħasor, Ġitnan,

²⁴Żif, Telem, Begħalot,

²⁵Ħasor-ħadatta, Kirjot-ħesron, li hi Ħasor,

²⁶Amam, Sema, Molada,

²⁷Ħasar-gadda, Ħesmon, Bet-pelet,

²⁸Ħasar-sugħal, Birsaba, Biżjotija,

²⁹Bagħala, Għajjim, Għesam,

³⁰Eltolad, Kesil, Ħorma,

³¹Siklag, Madmanna, Sansanna,

³²Lebawot, Silħim, Għajn u Rimmon; b’kollox disgħa u għoxrin belt bl-irħula tagħhom.

³³Fis-Sefela mbagħad kien hemm dawn: Estawol, Sorgħa, Asna,

³⁴Żanuħa, Għajn-gannim, Taffuħa, Għenam,

³⁵Ġarmut, Għadullam, Xoku, Għażeka,

³⁶Sagħarajm, Għaditajm, Gedera, u Gederotajm; erbatax-il belt fl-irħula tagħhom.

³⁷Senan, Ħadasa, Migdal-gad,

³⁸Dilgħan, Misfe, Ġoktel,

³⁹Lakis, Boskat, Għeglon,

⁴⁰Kabbon, Laħmam, Kitlis,

⁴¹Gederot, Betdagon, Nagħma, Makkeda; sittax-il belt bl-irħula tagħhom.

⁴²Libna, Għeter, Għasan,

⁴³Ġiftaħ, Asna, Nesib,

⁴⁴Kegħila, Akżib u Maresa; disat ibliet bl-irħula tagħhom.

⁴⁵Għekron u l-ibliet ta’ madwarha bl-irħula tagħha.

⁴⁶Minn Għekron sal-Baħar, kulma kien hemm maġenb Asdod, bl-irħula tagħhom.

⁴⁷Asdod u l-ibliet ta’ madwarha bl-irħula tagħha; Gaża u l-ibliet ta’ madwarha u l-irħula tagħha sal-wied tal-Eġittu u l-Baħar il-Kbir.

⁴⁸Fuq l-għoljiet: Samir, Ġattir, Xoku,

⁴⁹Danna, Kirjat-sanna li hi Debir,

⁵⁰Għanab, Estemu, Għanim,

⁵¹Gosen, Ħolon u Gilu; ħdax-il belt bl-irħula tagħhom.

⁵²Arab, Duma, Esgħan,

⁵³Ġanim, Bettaffuħa, Afeka,

⁵⁴Humta, Kirjat-arba, li hi Ħebron, u Sigħor, disat ibliet bl-irħula tagħhom.

⁵⁵Magħon, Karmel, Żif, Ġutta,

⁵⁶Ġeżragħel, Ġokdigħam, Żanuħa,

⁵⁷Kajjin, Gibgħa, Timna; għaxart ibliet bl-irħula tagħhom.

⁵⁸Ħalħul, Betsur, Gedor,

⁵⁹Magħrat, Betgħanot u Eltekon; sitt ibliet bl-irħula tagħhom.

⁶⁰Kirjat-bagħal, li hi Kirjat-ġegħarim, u Rabba; żewġt ibliet bl-irħula tagħhom.

⁶¹Fid-deżert: Bet-għarab, Middin, Sekaka,

⁶²Nibsan, Belt il-Melħ u Għajn-geddi; sitt ibliet bl-irħula tagħhom.

⁶³Imma l-Ġebusin, li kienu jgħammru f’Ġerusalemm, ulied Ġuda ma setgħux ikeċċuhom; u l-Ġebusin u wlied Ġuda baqgħu jgħammru flimkien f’Ġerusalemm sal-lum.