Read Maltese Bible with DC – IL-BIBBJA IL-KOTBA MQADDSA 2 TESSALONIKIN 3 Bible Online

2 TESSALONIKIN 3 - Maltese Bible with DC – IL-BIBBJA IL-KOTBA MQADDSA bible

2 TESSALONIKIN 3

¹Mill-bqija, l-aħwa, itolbu għalina biex il-kelma tal-Mulej tiġri l-ġirja tagħha u tkun milqugħa bil-ġieħ bħalma ġara fostkom.

²Itolbu biex inkunu meħlusa minn nies ħżiena u bla liġi. Għax mhux kulħadd għandu l-fidi

³iżda l-Mulej hu fidil; hu jwettaqkom u jħariskom mill-Ħażin[3].

⁴Aħna żguri minnkom fil-Mulej, jiġifieri, li intom qegħdin tagħmlu u għad tagħmlu dak li ordnajnielkom.

⁵Jalla l-Mulej iwassal lil qlubkom għall-imħabba ta’ Alla u s-sabar ta’ Kristu.

⁶L-aħwa, fl-isem tal-Mulej Ġesù Kristu nordnawlkom li żżommu ruħkom ’il bogħod mill-aħwa kollha li jgħixu fl-għażż u li mhumiex jimxu skont it-tradizzjoni li ħadtu mingħandna.

⁷Intom stess tafu kif jeħtieġ li timxu fuq l-eżempju tagħna. Aħna ma tgħażżinniex meta konna fostkom;

⁸il-ħobż li kilna, ħadd ma tahulna b’xejn; imma lejl u nhar ħdimna u tħabatna u batejna biex ma nkunu ta’ piż għal ħadd minnkom.

⁹Imxejna hekk mhux għax ma għandniex dritt li żżommuna intom, imma ridna nagħtukom eżempju biex timxu fuqu.

¹⁰Meta konna fostkom aħna ordnajnielkom li jekk xi ħadd ma jridx jaħdem, dan anqas ma għandu jiekol.

¹¹Issa aħna smajna li hemm xi wħud fostkom li qegħdin jitgħażżnu; mhumiex jaħdmu, imma qed jinħlew fix-xejn.

¹²Lil dawn in-nies nordnawlhom u nwissuhom, f’isem il-Mulej Ġesù Kristu, biex jaħdmu sewwa u għajxienhom jaqilgħuh.

¹³U intom, l-aħwa, agħmlu l-ġid bla qatt ma tegħjew.

¹⁴Jekk ikun hemm xi ħadd fostkom li ma jagħtix widen għall-kliem li qiegħed ngħidilkom f’din l-ittra, immarkawh u nqatgħu minnu, ħalli jistħi;

¹⁵mhux li tħarsu lejh bħala għadu, imma li twiddbuh bħala ħukom.

¹⁶Jagħtikom is-sliem il-Mulej tas-sliem innifsu dejjem u f’kollox. Il-Mulej magħkom ilkoll.

¹⁷Din hi t-tislima tiegħi b’idi stess, Pawlu; din hi l-firma f’kull ittra tiegħi kif nikteb jien.

¹⁸Il-grazzja ta’ Sidna Ġesù Kristu tkun magħkom ilkoll.