Read Maltese Bible with DC – IL-BIBBJA IL-KOTBA MQADDSA 2 ĠWANNI 1 Bible Online

2 ĠWANNI 1 - Maltese Bible with DC – IL-BIBBJA IL-KOTBA MQADDSA bible

2 ĠWANNI 1

¹Il-presbiteru lis-Sinjura l-Magħżula u lil uliedha[1], li jiena nħobb tassew, u mhux jiena biss, imma wkoll kull min għaraf il-verità,

²bis-saħħa tal-verità li tgħammar fina u li tibqa’ magħna għal dejjem.

³Grazzja, ħniena u sliem ikunu magħna fil-verità u fl-imħabba, mingħand Alla l-Missier u mingħand Ġesù Kristu Bin il-Missier.

⁴Ħassejt ferħ kbir li sibt ’il xi wħud minn uliedek miexja fil-verità, kif ikkmandana nagħmlu l-Missier.

⁵U issa, Sinjura, nitolbok li nħobbu ’l xulxin; dan li qiegħed niktiblek mhuwiex xi kmandament ġdid, għax ilu għandna sa mill-bidu.

⁶L-imħabba hija din: li nimxu skont il-kmandamenti tiegħu. U dan il-kmandament, kif smajtu sa mill-bidu, huwa li timxu fl-imħabba.

⁷Għax ħarġu fid-dinja ħafna qarrieqa, nies li ma jridux jistqarru li Ġesù Kristu ġie fil-ġisem; dawn huma l-qarrieqa u l-antikrist!

⁸Ħarsu rwieħkom, li ma tmorrux titilfu dak li għalih ħdimtu, imma li tieħdu ħlas sħiħ.

⁹Jekk xi ħadd jaqbeż ’il barra u ma jibqax fit-tagħlim ta’ Kristu, dan m’għandux lil Alla fih. Imma min jibqa’ fit-tagħlim, għandu l-Missier u l-Iben fih.

¹⁰Jekk jiġikom xi ħadd u ma jġibilkomx dan it-tagħlim, la tilqgħuhx għandkom u la ssellmulux,

¹¹għax min isellimlu jkun qiegħed jissieħeb miegħu fl-għemejjel ħżiena tiegħu.

¹²Għandi ħafna fuqiex niktbilkom, imma ma ridtx ninqeda b’karti u linka; nittama li nkun magħkom u nkellimkom wiċċ imb wiċċ, u hekk il-ferħ tagħkom ikun sħiħ.

¹³Ulied oħtok, il-Magħżula[2], jibagħtu jsellu għalik.