Read kumam Génesis 44 Bible Online

Génesis 44 - kumam bible

Génesis 44

¹Te tib'ajxi jlu, xi tma'n José te tmayordom: Nojsan ku'xa kysak qe xinaq lu tu'n triw, noq nik'pun jaku txi kyi'n, q'onku'xa tpwaq teyle te junjun ttzi t-sak,

²ex q'onku'xa aju nk'ab'le saq pwaq ttx'otx'il ttzi t-sak ch'i'p, tuk'ix aju pwaq xkyaj tchjo'n twi triw, chi José. B'anttzun tu'n mayordom ik tza'n xi tma'n José te.

³Tej ttzaj t-xe kya'j, e b'aj kawin qe xinaq lu ex e je'tz kyuk'ix qe kybur.

⁴Na'nxtoq kyetz laq'e' ti'j tnam, xi tma'n José te tmayordom: Lpexa kyi'j qe xjal lu, ex ok tkub' kyi'j tu'na, q'manxa kye kyja': ¿Tiqu'n ma kyb'inchaye mya b'a'n te t-xel b'a'n ma b'inchanjtz kyi'je? ¿Tiqu'n ma tzaj kyelq'a'ne aju tk'ab'l npatrone?

⁵¿Myapetzun a jlu in ajb'en te tu'n tk'an ex tu'n tq'ijin? Mya b'a'n ma kyb'inchaye, chikuya kye, chi José te.

⁶Tejtzun tkub' kyi'j tu'n mayordom, xi tma'n kye ax qe yol lu.

⁷Atzun kye tzaj kytzaq'we'n: —Tat, ¿Tiqu'n in tzaj tma'na qeye ikju? Aqo'ye tmajena mlayx qb'inchaye jun ti'xti ik tza'n jlu.

⁸Aju pwaq jatz knet qu'ne kyuj qsake o tz'ajtz qi'ne juntl maj tuk'ila tej qtzaje tuj tx'otx' Canaán. ¿Tza'ntzun tten tu'n tetz qelq'a'ne saq pwaq ex qa q'an pwaq tuj tja tpatrona?

⁹Aqo'ye ajb'el teya; b'a'n tu'n tkyim alkye ma jatz knet k'ab'l ttzi t-sak; atzun qeye, jaku qo oke te tmajena, che chi.

¹⁰Xitzun tma'n mayordom kye: —B'a'n, e tb'ant ik tza'nx ma kymaye. Aju ma tz'el knet k'ab'l ti'j k'okel te nmajene; atzun txqantl minti' kyil, chi mayordom.

¹¹Teylex te junjun el ti'n naj tiqatz tbur, kub' tq'o'n twitz tx'otx' ex el tpju'n ttzi t-sak.

¹²Oktzun ten mayordom jyolte, tzaj qe' ti'j tnejel k'walb'aj, ul b'aj ti'j ch'i'p, ex knet k'ab'l ttzi t-sak Benjamín tu'n.

¹³Eltzun kysb'it'un kyxb'alun kyi'j tu'n b'is, teyle te junjun ok tq'o'n naj tiqatz tbur, ex e aj meltz'aj tu'n kypon juntl maj tuj tnam.

¹⁴Tejtzun tpon Judá kyuk'ix qe terman tja José, axtoq ta' tuj tja; e kub' ẍmeje' twitz ex pon takl tib'aj kywitz max twitz tx'otx'.

¹⁵Xitzun tma'n José kye kyja': —¿Ti ma kyb'inchaye? ¿Minti'petzun b'a'n kyu'ne jun xinaq ik tza'n qine b'a'n q'ijin? Chi José.

¹⁶Xitzun tma'n Judá: —¿Alkyetzun qyole ex qa qkolb'il qib'e twitza, tat? Ma tz'el qile tuj q'ancha'l twitz Dios. Ja'lo, tmajena qo'ye tuk'ix aju ma tz'el knet tk'ab'la ti'j, chi Judá.

¹⁷Xitzun tma'n José kyja': —Mlay nb'inchaye ikju. O'kx aju ma tz'el knet nk'ab'le ti'j, atzunju kyjel ten te nmajene; atzun kyeye b'a'n tu'n kyaj meltz'aje tuj txub'txaj tja kymane, chi José.

¹⁸Pon laq'e' Judá twitz José ex xi tma'n te kyja': Tat, in chin kub'sane twitza tu'n tkub' tb'i'na nyole ex tu'n ttzaj tq'o'na twi'ya ti'j, aqine tmajena. Mi'n tzaj tq'oja wi'je, tu'nju aya ik ttena ik tza'n ax Faraón.

¹⁹Tzaj tqanina qeye kyja': —¿Atpe kymane ex qa juntl kyermaniye? Chiya.

²⁰Xitzun qtzaq'we'ne teya kyja': —At qmane, ma tijin wen, ex at jun qitz'ine ku'xunx ta', ul itz'j tuj ttijil qmane. O'kx te o kyaj ten tej tkyim jun ttzik aju tal ttxu', ex k'ujla'nxix tu'n tman, qo chiye.

²¹Tzajtzun tma'na qeye, aqo'ye tmajena: —Kyi'ntze tu'n nlonteye twitz, chiya.

²²Xitzun qma'ne teya kyja': —Mlayx kyaj tkolin ku'xun tman. Qa ma kyaj tkolin, jakulo kyim tman tu'n b'is, qo chiye.

²³Tzaj tma'ntla qeye: —Qa mi'n ma tzaj kyuk'ine kyitz'ine, mlay che k'mete wu'ne, chiya.

²⁴Tejtzun qpone tuk'il qmane, xi qtx'olb'a'ne te tkyaqilju o tmaya qeye.

²⁵Tzajtzun tma'n qmane qeye kyja': —Kyaj meltz'aje laq'olte ch'intl triw, chi qmane.

²⁶Xitzun qma'ne te: —Mlayx qo ku'xe. Jaku qo ku'xe o'kx qa ma txi' qitz'ine quk'ile. Qa mi'n ma txi' qitz'ine quk'ile, mlayx qo k'mete tu'n xinaq ma chixin, qo chiye.

²⁷Tzajtzun tma'n nmane, aju tmajena: —B'a'n kyu'ne, o'kx kab'e nky'ajale e tzaj ti'j nxu'jile.

²⁸O tz'el q'i'n jun kye ntxlaje. Atxixtzun na'nx twile twitz, atzun in kub' nximane ti'j ax tok jun txkuplo o kub' b'yonte te.

²⁹Qa ma tz'el kyi'ne juntl lu ntxlaje, ex qa at jun mya b'a'n ma tzaj ti'j, kyu'ne oklo chin kymele tu'n b'is, porke ma chin tijine, chi nmane.

³⁰Kyja'tzun naq'lo'kxix nmane ti'j q'a lu; qa mya tuk'ix q'a uk'in qu'ne ok qpon meltz'aje tuk'il,

³¹kymel nmane ok ttil qa mya tuk'ix q'a uk'in qu'ne; kyja'tzun at qile twitz qmane qa ma kyim tu'n b'is, porke ma tijin wen.

³²Tuj nkwente tzaj q'a lu tu'nju xi nma'ne te nmane kyja': Qa mi'n ma tzul meltz'aj ku'xun wu'ne, atzun qine at wile twitza te jumajx, nchiye te.

³³Tu'ntzun jlu in chin kub'sane twitza tu'n nkyaje te tmajena te t-xel ku'xun. Tzoqpinxtzuna tu'n taj meltz'aj kyuk'il qe ttzik.

³⁴¿Tza'n tten tu'n waj meltz'aje tuk'il nmane qa mya uk'in ku'xun wu'ne? Mlay chin aje tu'ntzun mi'n tik' nwitze ti'j k'ixk'oj ktzajel ti'j nmane, chi Judá.