Read kumam 1 Crónicas 2 Bible Online

1 Crónicas 2 - kumam bible

1 Crónicas 2

¹Qe tky'ajal Israel, atzun qe jlu: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad ex Aser.

³Qe tky'ajal Judá, atzun qe jlu: Er, Onán ex Sela. Ex aju kytxu' qeju oxe lu, atzun ju tme'jel Súa, aju aj Canaán. Ex ate Er aju nej tky'ajal Judá, mya b'a'n e ela qe tb'inchb'en tuj twitz Dios, kyja'tzun o kyim tu'n Qman.

⁴Atzunte Tamar aju tlib' Judá, o tzaj kab'e tal tky'ajal Judá qe, ex atzun qe jlu: Fares ex Zera. Jwe' tky'ajal Judá tzaj tu'n tkyaqilx.

⁵Qe tky'ajal Fares, atzun qe jlu: Hezrón ex Hamul.

⁶Qe tky'ajal Zera, atzun qe jlu: Zimri, Etán, Hemán, Calcol ex Darda, jwe' tu'n tkyaqilx.

⁷Aju tky'ajal Carmi, atzun Acán aju tzaj q'inte mya b'a'n kyib'aj aj Israel tu'nju tzaj ti'n aju otoq tma Dios b'i'x tu'n tnaj te jumajx.

⁸Aju tky'ajal Etán, atzun Azarías.

⁹Qe tky'ajal Hezrón, atzun qe jlu: Jerameel, Ram ex Quelubai.

¹⁰Ate Ram tman Aminadab, ex atzunte Aminadab tman Naasón aju nejenel kye tiyjil Judá.

¹¹Ate Naasón tman Salma, atzunte Salma tman Booz,

¹²atzunte Booz tman Obed, atzunte Obed tman Isaí.

¹³Aju nej tky'ajal Isaí Eliab tb'i, aju tkab'in Abinadab tb'i, aju toxin Simea tb'i,

¹⁴aju tkyajin Natanael tb'i, aju tjwe'yin Radai tb'i,

¹⁵aju tqaqin Ozem tb'i, aju twuqin David tb'i.

¹⁶Aqeju kyanb', atzun qe jlu: Sarvia ex Abigail. Qe tal Sarvia ox kyb'aj ex atzun qe jlu: Abisai, Joab, ex Asael.

¹⁷Tzaj jun tal Abigail, Amasa tb'i ok, ex aju tman, Jeter tb'i aju aj Ismael.

¹⁸Ate Caleb tky'ajal Hezrón, ex tzaj jun tky'ajal ti'j Azuba aju t-xu'jil, Jeriot ok tb'i. Qe txqantl tky'ajal, atzun qe jlu: Jezer, Sobab ex Ardón.

¹⁹Tej tkyim Azuba, o moje' Caleb tuk'il juntl xu'j, Efrata tb'i, ex tzaj jun tky'ajal ti'j xu'j lu, Hur ok tb'i.

²⁰Ate Hur tman Uri, ex atzunte Uri tman Bezaleel.

²¹Tej otoq japun Hezrón twi' 59 ab'q'i o moje' tuk'il tme'jel Maquir aju tman Galaad, ex tzaj jun tky'ajal ti'j, Segub ok tb'i.

²²Ate Segub tman Jair aju o kawin kyib'aj 23 tnam tuj tx'otx' Galaad.

²³Ex qe aj Gesur ex qe aj Aram e tzyet qe tnam te Jair kyu'n, tuk'ix Kenat ex qe t-aldey; japun 60 tnam tu'n tkyaqilx. Kykyaqil qe jlu tiyjil Maquir qe, aju tman Galaad.

²⁴Tkyimlenxi Hezrón, o moje' Caleb tuk'il Efrata aju t-xu'jilb'en qtzan tman, ex tzaj jun tky'ajal ti'j, Asur tb'i ok, ex atzunte Asur tman Tecoa.

²⁵Qe tky'ajal Jerameel aju nej tky'ajal Hezrón, atzun qe jlu: Ram aju nej k'wa'lb'aj, kyuk'ix Buna, Orén, Ozem ex Ahías.

²⁶Ate Jerameel o ten juntl t-xu'jil, Atara tb'i, ex atzun ttxu' Onam.

²⁷Qe tky'ajal Ram aju nej tky'ajal Jerameel, atzun qe jlu: Maaz, Jamín ex Equer.

²⁸Qe tky'ajal Onam, atzun qe jlu: Samai ex Jada. Qe tky'ajal Samai, atzun qe jlu: Nadab ex Abisur.

²⁹Aju t-xu'jil Abisur, Abihail tb'i, ex atzun kytxu' Ahbán ex Molid.

³⁰Qe tky'ajal Nadab, atzun qe jlu: Seled ex Apaim. Ate Seled o kyim minti' tk'wa'l o tzaj.

³¹Ate Apaim tman Isi, atzunte Isi tman Sesán, atzunte Sesán tman Ahlai.

³²Qe tky'ajal Jada aju terman Samai, atzun qe jlu: Jeter ex Jonatán. Ate Jeter o kyim minti' tk'wa'l o tzaj.

³³Qe tky'ajal Jonatán, atzun qe jlu: Pelet ex Zaza. Kykyaqil qe jlu tiyjil Jerameel qe.

³⁴Ate Sesán minti' tky'ajal o tzaj, noq o'kx qe tme'jel e tzaj. Ex ate Sesán attoq jun tmajen xinaq aj Egipto, Jarha tb'i,

³⁵ex tetzun ju majen lu xi tq'o'n Sesán jun tme'jel tu'n tok te t-xu'jil, ex ti'jtzun ju xu'j lu o tzaj jun tky'ajal Jarha, Atai ok tb'i.

³⁶Ate Atai tman Natán, atzunte Natán tman Zabad,

³⁷atzunte Zabad tman Eflal, atzunte Eflal tman Obed,

³⁸atzunte Obed tman Jehú, atzunte Jehú tman Azarías,

³⁹atzunte Azarías tman Heles, atzunte Heles tman Elasa,

⁴⁰atzunte Elasa tman Sismai, atzunte Sismai tman Salum,

⁴¹atzunte Salum tman Jecamías, ex atzunte Jecamías tman Elisama.

⁴²Qe tky'ajal Caleb aju terman Jerameel, atzun qe jlu: Mesa, aju nej k'wa'lb'aj, ex atzun tman Zif, ex Maresa tb'i tkab' k'wa'lb'aj, ex atzun tman Hebrón.

⁴³Qe tky'ajal Hebrón, atzun qe jlu: Coré, Tapúa, Requem ex Sema.

⁴⁴Ate Sema tman Raham, atzunte Raham tman Jorcoam; ex atzunte Requem tman Samai.

⁴⁵Ate Samai tman Maón, atzunte Maón tman Bet-sur.

⁴⁶Ate Efa atzun juntl t-xu'jil Caleb, ex atzun kytxu' Harán, tuk'ix Mosa ex Gazez. Atzunte Harán tman Gazez.

⁴⁷Qe tky'ajal Jahdai, atzun qe jlu: Regem, Jotam, Gesán, Pelet, Efa ex Saaf.

⁴⁸Ate Maaca atzun juntl t-xu'jil Caleb, ex atzun kytxu' Seber ex Tirhana.

⁴⁹Ex ax ttxu' Saaf aju tman Madmana, ex ax ttxu' Seva aju tman Macbena ex Gibea. Ax ikx tzaj jun tme'jel Caleb, Acsa tb'i ok.

⁵⁰Ax ikx qe jlu tiyjil Caleb qe: Qe tky'ajal Hur aju nej tal Efrata, atzun qe jlu: Sobal aju tman Quiriat-jearim;

⁵¹tuk'ix Salma aju tman Belén, ex tuk'ix Haref aju tman Bet-gader.

⁵²Qe tiyjil Sobal aju tman Quiriat-jearim, atzun qe jlu: Aroe, aju kyiyjil mijku aj Manahetit,

⁵³ex qe tiyjil Quiriat-jearim, qe aj Itritas, qe aj Futitas, qe aj Sumatitas ex qe aj Misraítas, ex kyi'jtzun qe jlu elni qe aj Zoratitas ex qe aj Estaolitas.

⁵⁴Qe tiyjil Salma, atzun qe jlu: Qe aj Belén, qe aj Netofatitas, qe aj Atrot-bet-joab, kyuk'ix mijtl aj Manahetitas, qe aj Zoraítas

⁵⁵ex qe kyiyjil aj Soferitas, aqeju najltoq tuj Jabes, ex qa aqeju aj Tirateos, qe aj Simeateos ex qe aj Sucateos. Atzun qe aj Quenitas jlu, elni ti'j Hamat aju tman Bet-recab.