Read kumam 1 Crónicas 24 Bible Online

1 Crónicas 24 - kumam bible

1 Crónicas 24

¹Ax ikx qe tiyjil Aarón e b'aj pa'n tuj k'lojin. Qe tky'ajal Aarón atzun qe jlu: Nadab, Abiú, Eleazar ex Itamar.

²Ex nej e kyim Nadab ex Abiú twitz kyman, ex minti' jun kyky'ajal tzaj; tu'ntzun jlu ate Eleazar ex Itamar e kyaj ten te pal.

³E kub' tpa'n David qe tiyjil Aarón tuj k'lojin tu'ntzun kyaq'nan ti'j aq'untl at tuj kykwent; tuk'ix Sadoc aju tiyjil Eleazar ex Ahimelec aju tiyjil Itamar e onin tuk'il tu'n tb'ant jlu.

⁴El kynik' ti'j, aqeju xinaq tiyjil Eleazar mas nim kyajlal kywitz qe tiyjil Itamar, kyja'tzun e b'je'l kypa'n ex e kyaj ten qaqlaj nejenel kyxol tiyjil Eleazar, ex wajxaq nejenel kyxol tiyjil Itamar.

⁵Jaw swert kyi'j tu'n kyb'aj pa'n tuj k'lojin, tza'nx kyxol qe tiyjil Eleazar ax ikx kyxol qe tiyjil Itamar, tu'nju at qe at kyoklen tuj tja Dios, ex at qe at kyoklen tu'n kyajb'en te Dios.

⁶Ate Semaías aju aj tz'ib'al ex tky'ajal Natanael, aju tiyjil Leví, kub' tz'ib'ante kyb'i twitz rey, kywitz qe nejenel, twitz pal Sadoc, twitz Ahimelec aju tky'ajal Abiatar, kywitz qe nejenel te junjun k'loj pal, ex kywitz aj Leví. Jaw swert kyi'j jtoj tu'n tajb'en junjun k'loj. Nej jaw swert ti'j jun k'loj tiyjil Eleazar ex te tib'ajxi jaw swert ti'j jun k'loj tiyjil Itamar, ex iklex e tenb'a tejxi kyex b'aj kykyaqil k'loj.

⁷Tej tjaw kyi'n swert kyi'j, e kyajtzun ten qe k'loj tuj ttxolil, xi qe' tuj tnejel ex pon b'aj tuj 24 k'loj, ex aqeju nejenel kye, atzun qe jlu: Joiarib, Jedaías, Harim, Seorim, Malquías, Mijamín, Cos, Abías, Jesúa, Secanías, Eliasib, Jaquim, Hupa, Jesebeab, Bilga, Imer, Hezir, Afses, Petaías, Hezequiel, Jaquín, Gamul, Delaía, ex Maazías.

¹⁹Kyja'tzun tten e b'aj pa'n qe tuj k'lojin tu'n kyajb'en tuj tja Qman, ik tza'nx otoq kyaj tma'n Qman aju Kydios aj Israel te Aarón aju qtzan kyxe'chel.

²⁰Qe txqantl k'loj tiyjil Leví ex qe nejenel kye atzun qe jlu: Subael aju tiyjil Amram, ex Jehedías aju tiyjil Subael;

²¹Isías aju nejenel kyi'j tiyjil Rehabías;

²²Selomot aju tiyjil Izhar; Jahat aju tiyjil Selomot.

²³Qe tky'ajal Hebrón atzun qe jlu: Jerías tb'i tnejel, Amarías tb'i tkab'in, Jahziel tb'i toxin, Jecamán tb'i tkyajin.

²⁴Ax ikx Micaía aju tky'ajal Uziel; Samir aju tky'ajal Micaía;

²⁵Isías aju terman Micaía ex Zacarías aju tky'ajal Isías.

²⁶Aqeju tiyjil Merari atzun qe jlu: Jaazías tb'i tky'ajal; atzun qe tky'ajal Jaazías atzun qe jlu: Mahli, Musi, Soham, Zacur ex Ibri.

²⁸Qe tky'ajal Mahli atzun qe jlu: Eleazar ex Cis. Ate Eleazar minti' tky'ajal tzaj; aju tky'ajal Cis atzun Jerameel.

³⁰Qe tky'ajal Musi atzun qe jlu: Mahli, Edar ex Jerimot. Atzun qe tiyjil Leví jlu, ik tza'nx junjun k'loj kyiyjil.

³¹Ax ikx kye e b'aj pa'n qe tuj swert, ik tza'nx otoq che tenb'a qe kyerman aqeju tiyjil Aarón. A jlu o b'ant twitz rey David, twitz Sadoc, twitz Ahimelec, kywitz qe nejenel te junjun k'loj pal, ex kywitz qe nejenel te junjun k'loj aj Leví. Kykyaqil xi q'o'n kyoklen, tza'nx qe tzikb'aj ax ikx qe tz'inb'aj.