Read kumam 1 Crónicas 26 Bible Online

1 Crónicas 26 - kumam bible

1 Crónicas 26

¹Ax ikx e b'aj pa'n tuj k'lojin qe xq'uqil ttzi ja, ex atzun qe jlu: Kyxol qe tiyjil Coré jaw sk'o'n Meselemías aju tky'ajal Coré, atzunte Coré tky'ajal Asaf.

²Qe tky'ajal Meselemías atzun qe jlu: Zacarías aju tnejel k'wa'l, Jediael aju tkab'in, Zebadías aju toxin, Jatniel aju tkyajin,

³Elam aju tjwe'yin, Johanán aju tqaqin ex Elioenai aju twuqin.

⁴Qe tky'ajal Obed-edom atzun qe jlu: Semaías aju nej k'wa'l, Jozabad aju tkab'in, Joa aju toxin, Sacar aju tkyajin, Natanael aju tjwe'yin,

⁵Amiel aju tqaqin, Isacar aju twuqin, Peultai aju twajxaqin; tu'nju kub' ky'iwla'n Obed-edom tu'n Dios, kyja'tzun tzaj nim tk'wa'l.

⁶Ate Semaías aju tky'ajal Obed-edom tzaj kab'e tky'ajal, ex e ok te nejenel kye qe kyerman, porke qe xinaq lu attoq nimxix kyipun ex kynab'l.

⁷Ex qe tky'ajal Semaías atzun qe jlu: Otni, Rafael, Obed, Elzabad, Eliú ex Samaquías; qe xinaq lu at nimxix kyipun.

⁸Kykyaqil qe jlu tiyjil Obed-edom qe; aqe kyuk'ix qe kyky'ajal ex qe kyerman at nimxix kyipun ex kynab'l tu'n kyajb'en tuj aq'untl. 62 kyb'aj tiyjil Obed-edom tu'n kykyaqilx.

⁹Qe tky'ajal Meselemías kyuk'ix qe terman, wajxaqlaj kyb'aj tu'n tkyaqil ex at nim kynab'l ti'j aq'untl.

¹⁰Qe tky'ajal Hosa aju tiyjil Merari, atzun qe jlu: Simri aju nejenel, maske mya nej k'wa'ltoq, ex ok q'o'n toklen te tnejel tu'n tman,

¹¹Hilcías tb'i tkab'in, Tebalías tb'i toxin, Zacarías tb'i tkyajin. Qe tk'wa'l Hosa kyuk'ix qe terman oxlaj kyb'et tu'n tkyaqil.

¹²Atzun qe jlu e b'aj pa'n tuj k'lojin tu'n kyxq'uqin ttzi tja Qman. Tza'nx qe nejenel, ax ikx qe kyerman, tuj kykwent kyaj tu'n kyajb'en tuj tja Qman.

¹³Jawtzun kyi'n swert kyxolx, tza'nx qe ku'xun ikx qe tij xjal, tu'ntzun kylonte alkye k'loj kyiyjil tu'n tten ttzi' junjun tlamel.

¹⁴Ok tz'aq swert ti'j Selemías tu'n t-xq'uqin ttzi ja tkub' tuj tumlal tjawitz q'ij, atzunte Zacarías aju b'a'n q'onte kynab'l xjal ex aju b'a'n tmod, ex ax tky'ajal Selemías, ok tz'aq swert ti'j tu'n t-xq'uqin ttzi ja te jawni.

¹⁵Atzunte Obed-edom ok tz'aq swert ti'j tu'n t-xq'uqin ttzi ja tkub' kub'ni; atzun qe tky'ajal tuj kykwent kyaj ten tu'n kyxq'uqin qe ja k'ub'l ti'xti tuj tja Dios.

¹⁶Atzunte Supim ex Hosa ok tz'aq swert kyi'j tu'n kyxq'uqin ttzi ja tkub' tumlal telex q'ij, jatum ta' ttzi ja Salequet tb'i, jatum in jax b'e twitz jawl. Qe aq'untl lu kyja'tzun e tenb'a:

¹⁷Tkyaqil q'ij in che kub' ten qaq xq'uqil ttzi ja aju tkub' tumlal tjawitz q'ij, ex kyaje in che kub' ten ttzi ja tkub' jawni, ex kyaje ttzi ja tkub' kub'ni, ex kab'e in che xq'uqin ti'j ju k'ub'l twitz awal.

¹⁸Tuj ttxa'n pe'n aju tkub' tumlal telex q'ij, attoq kyaje in che kwentin tuj b'e ex kab'e ax in che xq'uqin tuj ja.

¹⁹Kyja'tzun tten b'aj sipan aq'untl kye qe xq'uqil ttzi ja, aqeju tiyjil Coré ex Merari.

²⁰Ex kyxol tiyjil Leví ate Ahías toktoq te kwentil kye q'inumab'l ate' tuj tja Qman ex qe k'ub'l te oyaj xjansamaj.

²¹Atzun kyxol qe tky'ajal Laadán, aqeju elni kyiyjil ti'j Gersón, ate Jehiel nejenel kye,

²²ex qe tky'ajal Jehiel kyuk'ix qe tky'ajal Zetam ex qe tky'ajal Joel aju kyerman, tuj kykwent tkyajsa'ntoq qe q'inumab'l tuj tja Qman.

²³Atzun kyxol qe tiyjil Amram, Izhar, Hebrón ex Uziel,

²⁴ok q'o'n Sebuel tu'n tkwentin kyi'j qe q'inumab'l. Ate Sebuel tiyjil Gersón aju tky'ajal Moisés.

²⁵Atzun qe terman Sebuel, aqeju tiyjil Eliezer, atzun qe jlu: Rehabías aju tky'ajal Eliezer, Jesaías aju tky'ajal Rehabías, Joram aju tky'ajal Jesaías, Zicri aju tky'ajal Joram, ex Selomit aju tky'ajal Zicri.

²⁶Ate Selomit kyuk'ix qe terman, tuj kykwent tkyajsa'ntoq kykyaqil qe k'ub'l makb'il xjansa'maj, aqeju otoq tz'el tpa'n David ex otoq txi tq'o'n te Qman, ex aju otoq txi kyq'o'n qe nejenel kye junjun k'loj kyiyjil, kyuk'ix qe nejenel kye soldad, aqeju at jun milchaq soldad tuj kykwent ex qeju at jun syentchaq soldad tuj kykwent, ax ikx qe txqantl nejenel kye soldad.

²⁷Aqeju ti'xti lu otoq tz'el kyi'n kye qe aj q'oj kyi'j ok nno'k q'oj, ex otoq txi kyq'o'n tu'n tajb'en ti'j tja Qman.

²⁸Ax ikx axtoq ta' tkyaqil ti'xti aju otoq tz'el tpa'n Samuel aju b'a'n nab'in tu'n Dios ex otoq txi tq'o'n te Qman, tuk'ix aju otoq txi kyq'o'n Saúl aju tky'ajal Cis, Abner aju tky'ajal Ner, ex Joab aju tal Sarvia. Kykyaqil qe ti'xti xjansa'maj tkyajsa'ntoq tuj tkwent Selomit ex tuj kykwent qe terman.

²⁹Ex atzun kyxol qe tiyjil Izhar jaw sk'o'n Quenanías ex qe tky'ajal tu'n kyok te ajkal ex te jwes kyxol aj Israel.

³⁰Atzun kyxol tiyjil Hebrón jaw sk'o'n Hasabías kyuk'ix qe terman; tu'n kykyaqil japun jun mil tuk'il wuq syent kyb'aj at kyipun ex at kynab'l, e ok q'o'n tu'n kykawin kyib'aj aj Israel, aqeju ate' tuj tumlal telex q'ij te nima Jordán. Tuj kykwent ta' tu'n tb'ant tkyaqil taq'un Qman, ax ikx taq'un rey.

³¹Tej otoq b'ant 40 ab'q'i ttzyetlen tkawin David, b'aj jyet alkyechaq qe tiyjil Hebrón, ex kyxol kykyaqil e knet qe xinaq at kyipun ex at kynab'l najlqe tuj Jazer, aju at tuj tx'otx' Galaad. Aju nejenel kye tiyjil Hebrón, atzun Jerías,

³²atzun qe terman at nim kyipun ex at kynab'l, japun jun kyajlal tu'n kykyaqil te kab' mil tuk'il wuq syent kyb'aj, nejenel qe kye junjun k'loj kyiyjil. Atzunte rey David e ok tq'o'n tu'n kykawin kyib'aj qe tiyjil Rubén, ax ikx kyib'aj tiyjil Gad, kyuk'ix mij tiyjil Manasés. Tuj kykwent ta' tu'n tb'ant tkyaqil taq'un Qman, ax ikx taq'un rey.