Read kumam 1 Crónicas 4 Bible Online

1 Crónicas 4 - kumam bible

1 Crónicas 4

¹Qe tky'ajal Judá, atzun qe jlu: Fares, Hezrón, Carmi, Hur ex Sobal.

²Ate Sobal tman Reaía, atzunte Reaía tman Jahat ex atzunte Jahat tman Ahumai tuk'ix Lahad. Atzun qe jlu kyiyjil qe aj Zoratitas.

³Qe tky'ajal Etam, atzun qe jlu: Jezreel, Isma, ex Idbas, ex attoq jun kyanb' qe jlu, Haze-lelponi tb'i.

⁴Ate Penuel kyxe'chel aj Gedor, ex atzunte Ezer kyxe'chel aj Husa. Atzun qe jlu tiyjil Hur aju nej tal Efrata, aju kyxe'chel qe aj Belén.

⁵Ate Asur aju tman Tecoa o ten kab'e t-xu'jil, Hela tb'i jun, ex Naara tb'i juntl.

⁶Ate Naara kytxu' Ahuzam, Hefer, Temeni ex Ahastari. Atzun qe jlu tal Naara.

⁷Qe tal Hela, atzun qe jlu: Zeret, Jezoar ex Etnán.

⁸Ate Cos tman Anub ex Zobeba ex ax kyxe'chel qe tiyjil Aharhel, aju tky'ajal Harum.

⁹Ate Jabes mas ma' toklen kywitz qe txqantl terman. Jabes tb'i ok tq'o'n ttxu' ex tma: Ax tok tuk'il nim k'ixk'oj ma tzul itz'j.

¹⁰Ok ten Jabes na'l Dios, aju Kydios aj Israel, ex tma: In chin kub'sane twitza, Nman, tu'n ttzaj tq'o'na tky'iwb'ila wib'aje ex jun ntx'otx'e ma'xix; chin tonintza ex chin tkloma teju mya b'a'n, tu'ntzun mi'n nk'isb'isanjtze, chi Jabes. Ex tzaj tq'o'n Dios tkyaqil aju otoq txi tqanin.

¹¹Ate Quelub aju terman Súa tman Mehir; atzunte Mehir tman Estón;

¹²atzunte Estón kyman Bet-rafa, Paseah ex Tehina, aju kub' q'onte ju tnam Nahas. Atzun qe jlu najlqe tuj tnam Reca.

¹³Qe tky'ajal Cenaz, atzun qe jlu: Otoniel ex Seraías. Qe tky'ajal Otoniel, atzun qe jlu: Hatat

¹⁴ex Meonotai aju tman Ofra. Ate Seraías tman Joab aju kyxe'chel qe xjal najlqe tuj chq'ajlaj Carisim; atzun tb'i chq'ajlaj ok kyq'o'n tu'nju at kynab'l tu'n kyb'inchante tkyaqil txkaj aq'untl tb'anilxix.

¹⁵Qe tky'ajal Caleb aju tky'ajal Jefone, atzun qe jlu: Iru, Ela ex Naam. Ate Ela tman Cenaz.

¹⁶Qe tky'ajal Jahalel, atzun qe jlu: Zif, Zifa, Tirías ex Asareel.

¹⁷Qe tky'ajal Esdras, atzun qe jlu: Jeter, Mered, Efer ex Jalón. Ate Mered o moje' tuk'il Bitia aju tme'jel Rey Faraón, ex atzun qe kyk'wa'l jlu: María, Samai ex Isba. Ate Isba tman Estemoa. Ax ikx knet juntl t-xu'jil Mered kyxol qe tiyjil Judá, ex atzun ttxu' Jared aju tman Gedor, ex ax ttxu' Heber aju tman Soco ex ax ttxu' Jecutiel aju tman Zanoa.

¹⁹Qe tal t-xu'jil Hodías aju tanb' Naham, aju tman Keila, atzun qe jlu: Dalia aju aj Garmit, ex Estemoa aju aj Maacateo.

²⁰Qe tky'ajal Simón, atzun qe jlu: Amnón, Rina, Ben-hanán ex Tilón. Qe tky'ajal Isi, atzun qe jlu: Zohet ex Ben-zohet.

²¹Qe tiyjil Sela aju tky'ajal Judá, atzun qe jlu: Er tb'i jun, aju tman Leca, ex Laada tb'i juntl, aju tman Maresa, kyuk'ix junjuntl k'loj tiyjil in che aq'nan ti'j xb'alun lino tuj Bet-asbea,

²²Joacim tb'i juntl ex aqeju najlqetoq tuj Cozebá; Joás tb'i juntl ex Saraf tb'i juntl, aqeju e jaw moje' kyuk'il qe xu'j aj Moab ex e pon meltz'aj juntl maj tuj Belén, ik tza'n in tma'n tuj ojtxi tx'olb'ab'en ti'j.

²³Atzun qe jlu b'inchal xar qe; najlqetoq tuj Netaim ex tuj Gedera, ex in che ajb'entoq te rey.

²⁴Qe tky'ajal Simeón atzun qe jlu: Nemuel, Jamín, Jarib, Zera ex Saúl.

²⁵Ate Saúl tman Salum; atzunte Salum tman Mibsam, ex atzunte Mibsam tman Misma.

²⁶Ate Misma tman Hamuel, atzunte Hamuel tman Zacur, ex atzunte Zacur tman Simei.

²⁷Ate Simei o tzaj qaqlaj tky'ajal ex qaq tme'jel, atzun qe txqantl terman mya nim kyk'wa'l o tzaj, kyja'tzun qe tiyjil Simeón minti' e chmet-xix ik tza'n qe tiyjil Judá.

²⁸Atzun najlqetoq kyuj qe tnam Beerseba, Molada, Hazar-sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazar-susim, Bet-birai ex Saaraim. Atzun qe tnam lu etzanx kyu'n tej ttzyet tkawin David.

³²Ex attoq jwe'tl tnam tzyu'n kyu'n, atzun qe jlu: Etam, Aín, Rimón, Toquén ex Asán,

³³kyuk'ix qe aldey ate' kyi'jele, ex ponin b'aj max tuj tnam Baalat. Atzun qe lugar lu jatum e najan ex atzun kyb'i qe kyxe'chel.

³⁴Atzun kyb'i junjun nejenel jlu: Mesobab, Jamlec, Josías aju tky'ajal Amasías,

³⁵tuk'ix Joel ex Jehú aju tky'ajal Josibías, (ate Josibías tky'ajal Seraías, ex atzunte Seraías tky'ajal Asiel;)

³⁶tuk'ix Elioenai, Jaacoba, Jesohaía, Asaías, Adiel, Jesimiel, Benaía,

³⁷ex Ziza. (Ate Ziza tky'ajal Sifi, atzunte Sifi tky'ajal Alón, atzunte Alón tky'ajal Jedaías, atzunte Jedaías, tky'ajal Simri, atzunte Simri tky'ajal Semaías.)

³⁸Aqeju ma jaw kyb'i lu, atzun qe nejenel kye junjun k'loj kyiyjil. Tu'nju o chmet nimxix kyiyjil,

³⁹kyja'tzun e pon jyolte kywa kyẍne'l max ttxa'n tnam Gedor, tuj tumlal tjawitz q'ij te chq'ajlaj,

⁴⁰ex atzun knet tb'anil k'ul kyu'n ma chixin, puro cha'x ex at nim, ex matij twitz tx'otx', segur ta', ex puro b'a'n tten. Ex atzun e najan qe tiyjil Cam ojtxi ma chixin.

⁴¹Ex tuj tq'ijlalil tej tten Ezequías te rey tuj Judá, e ul qeju ma jaw kyb'i ex kub' kyb'yo'n qe tiyjil Cam ex kub' kyxitun qe kyja, ex atzun qe e kyaj ten najal tuj kylugar, porke attoq kywa qe kyẍne'l tuj.

⁴²Ax ikx attoq jwe' syentl xinaq ax tiyjil Simeón qe, e je'x tuj tiwitz tx'otx' Seir, ex atzun qe nejenel kye jlu: Pelatías, Nearías, Refaías ex Uziel, tky'ajal Isi qe,

⁴³ex kub' kyb'yo'n qe tiyjil Amalec, aqeju otoq che kyaj anq'in. Atxixtzun kyponlen najal ma chixin ex ax ate'x ja'lo.