Read kumam 1 Crónicas 6 Bible Online

1 Crónicas 6 - kumam bible

1 Crónicas 6

¹Qe tky'ajal Leví, atzun qe jlu: Gersón, Coat ex Merari.

²Qe tky'ajal Coat, atzun qe jlu: Amram, Izhar, Hebrón ex Uziel.

³Qe tk'wa'l Amram, atzun qe jlu: Aarón, Moisés ex María. Qe tky'ajal Aarón, atzun qe jlu: Nadab, Abiú, Eleazar ex Itamar.

⁴Ate Eleazar tman Finees, atzunte Finees tman Abisúa,

⁵atzunte Abisúa tman Buqui, atzunte Buqui tman Uzi,

⁶atzunte Uzi tman Zeraías, atzunte Zeraías tman Meraiot,

⁷atzunte Meraiot tman Amarías, atzunte Amarías tman Ahitob,

⁸atzunte Ahitob tman Sadoc, atzunte Sadoc tman Ahimaas,

⁹atzunte Ahimaas tman Azarías, atzunte Azarías tman Johanán,

¹⁰atzunte Johanán tman Azarías, aju ok te pal tuj tja Dios o b'ant tu'n Salomón tuj Jerusalén.

¹¹Atzunte Azarías tman Amarías, atzunte Amarías tman Ahitob,

¹²atzunte Ahitob tman Sadoc, atzunte Sadoc tman Salum,

¹³atzunte Salum tman Hilcías, atzunte Hilcías tman Azarías,

¹⁴atzunte Azarías tman Seraías, ex atzunte Seraías tman Josadac.

¹⁵Tuk'ix te Josadac xi q'i'n tej kyxi tq'o'n Qman qe aj Judá ex qe aj Jerusalén tuj tq'ab' Nabucodonosor, tu'n kyxi q'i'n tuj juntl tx'otx' najchaq.

¹⁶Qe tky'ajal Leví, atzun qe jlu: Gersón, Coat ex Merari.

¹⁷Qe tky'ajal Gersón atzun qe jlu: Libni ex Simei.

¹⁸Qe tky'ajal Coat atzun qe jlu: Amram, Izhar, Hebrón ex Uziel.

¹⁹Qe tky'ajal Merari atzun qe jlu: Mahli ex Musi. Atzun qe jlu tiyjil Leví ik tza'nx junjun k'loj tiyjil:

²⁰Qe tiyjil Gersón atzun qe jlu: Ate Gersón tman Libni, atzunte Libni tman Jahat, atzunte Jahat tman Zima,

²¹atzunte Zima tman Joa, atzunte Joa tman Iddo, atzunte Iddo tman Zera, ex atzunte Zera tman Jeatrai.

²²Qe tiyjil Coat atzun qe jlu: Ate Coat tman Aminadab, atzunte Aminadab tman Coré, atzunte Coré tman Asir,

²³atzunte Asir tman Elcana, atzunte Elcana tman Ebiasaf, atzunte Ebiasaf tman Asir,

²⁴atzunte Asir tman Tahat, atzunte Tahat tman Uriel, atzunte Uriel tman Uzías ex atzunte Uzías tman Saúl.

²⁵Qe tky'ajal Elcana atzun qe jlu: Amasai ex Ahimot,

²⁶ex qe tiyjil Ahimot atzun qe jlu: Ate Ahimot tman Elcana, atzunte Elcana tman Zofai, atzunte Zofai tman Nahat,

²⁷atzunte Nahat tman Eliab, atzunte Eliab tman Jeroham, atzunte Jeroham tman Elcana.

²⁸Qe tky'ajal Samuel atzun qe jlu: Joel aju nej tky'ajal, ex Abías.

²⁹Qe tiyjil Merari, atzun qe jlu: Ate Merari tman Mahli, atzunte Mahli tman Libni, atzunte Libni tman Simei, atzunte Simei tman Uza,

³⁰atzunte Uza tman Simea, atzunte Simea tman Haguía, atzunte Haguía tman Asaías.

³¹Atzun qe b'itzal jlu e ok tq'o'n David tu'n kyb'itzan, atxix tej tokx tq'o'n ju kax k'ub'l tley Dios tuj tja Dios.

³²Atzun qe jlu e b'itzan twitz ja xb'alun te mojb'ab'l tib'il tuk'il Dios nej, ax ikx tej tb'ant tja Dios tu'n Salomón tuj Jerusalén, ax qe e ajb'en ma chixin ik tza'nx otoq tzaj q'ma'n kye.

³³Aqeju ate'toq ma chixin ex ax e b'itzan kyuk'ix qe kyky'ajal, atzun qe jlu: Hemán, aju tzajni ti'j tiyjil Coat, ex atzun nejenel te tnejel k'loj b'itzal. Ate Hemán tky'ajal Joel, atzunte Joel tky'ajal Samuel,

³⁴atzunte Samuel tky'ajal Elcana, atzunte Elcana tky'ajal Jeroham, atzunte Jeroham tky'ajal Eliel, atzunte Eliel tky'ajal Toa,

³⁵atzunte Toa tky'ajal Zuf, atzunte Zuf tky'ajal Elcana, atzunte Elcana tky'ajal Mahat, atzunte Mahat tky'ajal Amasai,

³⁶atzunte Amasai tky'ajal Elcana, atzunte Elcana tky'ajal Joel, atzunte Joel tky'ajal Azarías, atzunte Azarías tky'ajal Sofonías,

³⁷atzunte Sofonías tky'ajal Tahat, atzunte Tahat tky'ajal Asir, atzunte Asir tky'ajal Ebiasaf, atzunte Ebiasaf tky'ajal Coré,

³⁸atzunte Coré tky'ajal Izhar, atzunte Izhar tky'ajal Coat, atzunte Coat tky'ajal Leví, atzunte Leví tky'ajal Israel.

³⁹Tuj tb'anq'ab' Hemán, atzun in kub' ten Asaf aju at t-xilen tuk'il. Ate Asaf tky'ajal Berequías, atzunte Berequías tky'ajal Simea,

⁴⁰atzunte Simea tky'ajal Micael, atzunte Micael tky'ajal Baasías, atzunte Baasías tky'ajal Malquías,

⁴¹atzunte Malquías tky'ajal Etni, atzunte Etni tky'ajal Zera, atzunte Zera tky'ajal Adaía,

⁴²atzunte Adaía tky'ajal Etán, atzunte Etán tky'ajal Zima, atzunte Zima tky'ajal Simei,

⁴³atzunte Simei tky'ajal Jahat, atzunte Jahat tky'ajal Gersón, atzunte Gersón tky'ajal Leví.

⁴⁴Tuj tnayaj Hemán, atzun in kub' ten Etán aju at t-xilen tuk'il, aju tiyjil Merari. Ate Etán tky'ajal Quisi, atzunte Quisi tky'ajal Abdi, atzunte Abdi tky'ajal Maluc,

⁴⁵atzunte Maluc tky'ajal Hasabías, atzunte Hasabías tky'ajal Amasías, atzunte Amasías tky'ajal Hilcías,

⁴⁶atzunte Hilcías tky'ajal Amsi, atzunte Amsi tky'ajal Bani, atzunte Bani tky'ajal Semer,

⁴⁷atzunte Semer tky'ajal Mahli, atzunte Mahli tky'ajal Musi, atzunte Musi tky'ajal Merari, ex atzunte Merari tky'ajal Leví.

⁴⁸Qe txqantl xjal at kyxilen kyuk'il, aqeju tiyjil Leví, tuj kykwent kyaj tkyaqil aq'untl at tuj tja Dios.

⁴⁹Atzunte Aarón kyuk'ix qe tiyjil in che kub' patunte oyaj tib'aj altar te patb'il chojb'il ex tib'aj altar te patb'il storak. Ax ikx in che ajb'entoq tuj tkyaqil aq'untl tuj Lugar Mas Xjanxix ex tu'n kyqanin tu'n tnajset kyil aj Israel, ik tza'nx tkyaqilju otoq tma Moisés aju tmajen Dios.

⁵⁰Qe tiyjil Aarón atzun qe jlu: Ate Aarón tman Eleazar, atzunte Eleazar tman Finees, atzunte Finees tman Abisúa,

⁵¹atzunte Abisúa tman Buqui, atzunte Buqui tman Uzi, atzunte Uzi tman Zeraías,

⁵²atzunte Zeraías tman Meraiot, atzunte Meraiot tman Amarías, atzunte Amarías tman Ahitob,

⁵³atzunte Ahitob tman Sadoc, ex atzunte Sadoc tman Ahimaas.

⁵⁴Atzun qe lugar lu jatum e najan qe tiyjil Aarón ex qe tmojonil kytx'otx'. Atzunju tnam Hebrón aju at tuj tx'otx' te Judá, kyuk'ix qe kywab'l alumaj at kyuj, ok te kye qe tiyjil Coat, ik tza'nx ju swert jaw.

⁵⁵

⁵⁶Atzunte Caleb aju tky'ajal Jefone, xi q'o'n te aju kojb'il at ti'jele tnam lu kyuk'ix qe t-aldey.

⁵⁷Atzun kyb'i qe tnam jlu, aju xi q'o'n kye tiyjil Aarón: Hebrón aju tnam te kykolb'il kyib' qe xjal, tuk'ix tnam Libna, Jatir, Estemoa,

⁵⁸Hilén, Debir,

⁵⁹Asán, ex Bet-semes, kyuk'ix qe kojb'il te kywab'l alumaj ate' kyi'jele.

⁶⁰Ax ikx xi q'o'ntl kye tiyjil Aarón qe tnam Geba, Alemet ex Anatot, kyuk'ix qe kojb'il te kywab'l alumaj ate' kyi'jele; aqeju tnam lu ate' tuj kytx'otx' aj Benjamín. Kyja'tzun, aqeju tnam e ok te kye tiyjil Aarón, oxlaj tu'n tkyaqilx.

⁶¹Atzun qe txqantl k'loj tiyjil Coat, xi q'o'n laj tnam kye, aqeju ate' tuj kytx'otx' mij tiyjil Manasés, ik tza'nx swert jaw.

⁶²Atzun kye tiyjil Gersón xi q'o'n oxlaj tnam kye, ik tza'nx tajlal junjun k'loj kyiyjil. Aqeju tnam lu ate' tuj kytx'otx' tiyjil Isacar, Aser, Neftalí ex tuj kytx'otx' mijtl tiyjil Manasés, aqeju otoq che ten tuj tx'otx' Basán.

⁶³Atzun kye tiyjil Merari xi q'o'n kab'laj tnam kye, ik tza'nx kyajlal junjun k'loj kyiyjil ex ik tza'nx swert jaw. Aqeju tnam lu ate' tuj kytx'otx' tiyjil Rubén, Gad ex Zabulón.

⁶⁴Atzun qe tnam jlu kyuk'ix qe kywab'l alumaj ate' kyi'jele, xi kyq'o'n aj Israel te kye tiyjil Leví.

⁶⁵Xi kyq'o'n aj Israel qe tnam lu kye, aqeju ate' tuj kytx'otx' tiyjil Judá, tiyjil Simeón ex tiyjil Benjamín, ik tza'n kyb'i ma jaw ex ik tza'n swert jaw.

⁶⁶At junjun k'loj tiyjil Coat xi q'o'n junjun tnam kye tuj kytx'otx' tiyjil Efraín, ik tza'nx swert jaw.

⁶⁷Ax ikx xi q'o'n kye aju tnam Siquem, aju tnam te kykolb'il kyib' xjal tkub'sa'n tuj tiwitz tx'otx' kye tiyjil Efraín, kyuk'ix qe kojb'il te kywab'l alumaj ate' ti'jele; ax ikx xi q'o'n kye qe tnam lu: Gezer,

⁶⁸Jocmeam, Bet-horón,

⁶⁹Ajalón ex Gat-rimón, kyuk'ix qe kojb'il te kywab'l alumaj ate' kyi'jele.

⁷⁰Atzun kye txqantl k'loj tiyjil Coat xi q'o'n qe tnam lu kye: Aner tuk'ix Bileam, kyuk'ix qe kojb'il te kywab'l alumaj ate' kyi'jele. Aqeju tnam lu ate' tuj kytx'otx' mij tiyjil Manasés.

⁷¹Atzun kye tiyjil Gersón, ik tza'nx tajlal junjun k'loj kyiyjil, xi q'o'n kye aju tnam Golán tb'i, aju at tuj Basán, tuk'ix tnam Astarot, kyuk'ix qe kojb'il te kywab'l alumaj ate' kyi'jele. Aqeju tnam lu ate' tuj kytx'otx' mij tiyjil Manasés.

⁷²Ax ikx xi q'o'n qe tnam lu kye: Cedes, Daberat, Ramot ex Anem, teylex te junjun kyuk'ix qe kojb'il te kywab'l alumaj ate' kyi'jele. Qe tnam lu atzun ate' tuj kytx'otx' tiyjil Isacar.

⁷³

⁷⁴Ax ikx xi q'o'n qe tnam lu kye: Masal, Abdón, Hucoc ex Rehob, kyuk'ix qe kojb'il te kywab'l alumaj ate' kyi'jele. Aqeju tnam lu ate' tuj kytx'otx' tiyjil Aser.

⁷⁵

⁷⁶Ax ikx xi q'o'n qe tnam lu kye: Cedes aju at tuj Galilea, tuk'ix Amón ex Quiriataim, kyuk'ix qe kojb'il te kywab'l alumaj ate' kyi'jele. Aqeju tnam lu atzun ate' tuj kytx'otx' tiyjil Neftalí.

⁷⁷Atzun kye txqantl k'loj tiyjil Merari xi q'o'n qe tnam lu kye: Rimón ex Tabor, kyuk'ix qe kojb'il te kywab'l alumaj ate' kyi'jele. Aqeju tnam lu atzun ate' tuj kytx'otx' tiyjil Zabulón.

⁷⁸Ax ikx xi q'o'n qe tnam lu kye: Beser aju tkub' tuj tzqij tx'otx', tuk'ix Jaza, Cademot ex Mefaat, kyuk'ix qe kojb'il te kywab'l alumaj ate' kyi'jele. Aqeju tnam lu atzun ate' tuj kytx'otx' tiyjil Rubén, tuj tumlal tjawitz q'ij te nima Jordán ex ax tuj tumlal tjawitz q'ij te tnam Jericó.

⁷⁹

⁸⁰Ax ikx xi q'o'n qe tnam lu kye: Ramot aju at tuj Galaad, tuk'ix Mahanaim, Hesbón ex Hazer, kyuk'ix qe kojb'il te kywab'l alumaj ate' kyi'jele. Aqeju tnam lu atzun ate' tuj kytx'otx' tiyjil Gad.