Read kumam 1 Crónicas 7 Bible Online

1 Crónicas 7 - kumam bible

1 Crónicas 7

¹Qe tky'ajal Isacar kyaje kyb'aj ex atzun qe jlu: Tola, Fúa, Jasub ex Simrón.

²Qe tky'ajal Tola, atzun qe jlu: Uzi, Rafaías, Jeriel, Jahmai, Jibsam ex Semuel; teylex te junjun nejenel qe te junjun k'loj tiyjil Tola. Tuj tq'ijlalil tej tten David japun tajlal tiyjil Tola 22 mil tuk'il qaq syent xinaq kyuw kyk'u'j tuj q'oj.

³Aju tky'ajal Uzi, atzun Israhías. Qe tky'ajal Israhías, atzun qe jlu: Micael, Obadías, Joel ex Isías. Aqeju jwe' lu nejenel qe.

⁴Tu'nju o ten ela' kyxu'jil ex ela' kyky'ajal, kyja'tzun chmet nim kyajlal. Kyu'n qe kyiyjil e ul itz'j te tib'ajxi, japun 36 mil kyajlal xinaq otoq b'ant tu'n kyxi' tuj q'oj.

⁵Qe tiyjil Isacar tu'n tkyaqilx, ik tza'n tajlal kyb'i tz'ib'an, japun 87 mil xinaq. Kykyaqil qe jlu kyuw kyk'u'j tuj q'oj.

⁶Ox kyb'aj qe tky'ajal Benjamín ex atzun qe jlu: Bela, Bequer ex Jediael.

⁷Qe tky'ajal Bela jwe' kyb'aj ex atzun qe jlu: Ezbón, Uzi, Uziel, Jeremot ex Iri. Kykyaqil qe jlu nejenel qe kye junjun k'loj kyiyjil ex kyuw kyk'u'j tuj q'oj. Ik tza'nx tajlal kyb'i tz'ib'an, japun 22 mil 34 xinaq.

⁸Qe tky'ajal Bequer, atzun qe jlu: Zemira, Joás, Eliezer, Elioenai, Omri, Jerimot, Abías, Anatot ex Alamet. Kykyaqil qe jlu tky'ajal Bequer qe,

⁹ex ik tza'nx kyajlal junjun k'loj kyiyjil tz'ib'an ex qe nejenel kye, japun 20 mil tuk'il kab' syent xinaq kyuw kyk'u'j tuj q'oj.

¹⁰Aju tky'ajal Jediael, atzun Bilhán. Qe tky'ajal Bilhán, atzun qe jlu: Jeús, Benjamín, Aod, Quenaana, Zetán, Tarsis ex Ahisahar.

¹¹Kykyaqil qe jlu tiyjil Jediael qe, nejenel qe te junjun k'loj kyiyjil, kyuw kyk'u'j tuj q'oj ex otoq b'ant tu'n kyxi' tuj q'oj. Japun jun kyajlal te wuqlaj mil tuk'il kab' syent xinaq.

¹²Qe tky'ajal Hir, atzun qe jlu: Supim ex Hupim. Aju tky'ajal Aher, atzun Husim.

¹³Qe tky'ajal Neftalí, atzun qe jlu: Jahzeel, Guni, Jezer ex Salum. Atzun qe jlu tal tchman Bilha.

¹⁴Qe tky'ajal Manasés e tzaj ti'j juntl t-xu'jil aju aj Siria, atzun qe jlu: Asriel ex Maquir, ate Maquir tman Galaad.

¹⁵Ate Maquir o moje' tuk'il jun xu'j kyxol kyiyjil Hupim ex Supim. Ex aju tanb' Maquir Maaca tb'i. Aju tkab' tky'ajal Maquir, Zelofehad tb'i; a jlu noq o'kx qe tme'jel e tzaj.

¹⁶Ate Maaca aju t-xu'jil Maquir tzaj jun tal q'a, ex ok tq'o'n tb'i Peres. Aju titz'in Peres, Seres tb'i, ex qe tky'ajal Seres, atzun kyb'i jlu: Ulam ex Requem.

¹⁷Ate Ulam tman Bedán. Atzun qe jlu tiyjil Galaad qe, aju tky'ajal Maquir, ex ate Maquir tky'ajal Manasés.

¹⁸Aju tanb' Maquir Hamolequet tb'i, atzun ttxu' Isod, Abiezer ex Mahala.

¹⁹Qe tky'ajal Semida, atzun qe jlu: Ahián, Siquem, Liquehí ex Aniam.

²⁰Qe tiyjil Efraín, atzun qe jlu: Ate Efraín tman Sutela, atzunte Sutela tman Bered, atzunte Bered tman Tahat, atzunte Tahat tman Elada, atzunte Elada tman Tahat,

²¹atzunte Tahat tman Zabad, atzunte Zabad tman Sutela. Ex at kab'etl tky'ajal Efraín, Ezer ex Elad kyb'i, ex e kub' b'yo'n kyu'n qeju najl tuj tx'otx' Gat, ex e je'x elq'alte kywakẍ qe xjal lu.

²²Ate Efraín aju kyman nim q'ij o b'isun kyi'j, ex e ul qe terman q'uqb'alte tk'u'j.

²³Te tib'ajxi kub' tmojb'an tib' tuk'il t-xu'jil, atzunte t-xu'jil ok ten tal ex ul itz'j jun tal q'a, ex Bería tb'i ok tq'o'n tu'nju otoq tzaj b'is tuj tja.

²⁴Ate Seera aju tme'jel Bería jaw b'inchante qe tnam lu: Bet-horón te kub'ni ex Bet-horón te jawni, ax ikx ju tnam Uzen-seera.

²⁵Qe tiyjil Bería, atzun qe jlu: Ate Bería tman Refa, atzunte Refa tman Resef, atzunte Resef tman Telah, atzunte Telah tman Tahán,

²⁶atzunte Tahán tman Laadán, atzunte Laadán tman Amiud, atzunte Amiud tman Elisama,

²⁷atzunte Elisama tman Nun, ex atzunte Nun tman Josué.

²⁸Qe kytx'otx' ex qe tnam jatum e najan kyuk'ix qe aldey ate' kyi'jele, atzun qe jlu: Betel, Naarán aju tkub'sa'n tuj tumlal tjawitz q'ij, Gezer aju tkub'sa'n tuj tumlal telex q'ij, tuk'ix tnam Siquem, ex pon b'aj max tuj tnam Ayah.

²⁹Tuj kykwent tiyjil Manasés attoq qe tnam lu: Bet-seán, Taanac, Meguido ex Dor kyuk'ix qe aldey ate' kyi'jele. Kyujtzun qe lugar lu e najan qe tiyjil José aju tky'ajal Israel.

³⁰Qe tky'ajal Aser, atzun qe jlu: Imna, Isúa, Isúi, Bería, ex Sera tb'i kyanb'.

³¹Qe tky'ajal Bería, atzun qe jlu: Heber ex Malquiel; ate Malquiel tman Birzavit.

³²Ate Heber tman Jaflet, Semer, ex Hotam, ex Súa tb'i kyanb'.

³³Qe tky'ajal Jaflet, atzun qe jlu: Pasac, Bimhal ex Asvat. Atzun qe jlu tky'ajal Jaflet.

³⁴Qe tky'ajal Semer, atzun qe jlu: Ahí, Rohga, Jehúba ex Aram.

³⁵Qe tky'ajal Hotam aju terman Semer, atzun qe jlu: Zofa, Imna, Seles ex Amal.

³⁶Qe tky'ajal Zofa, atzun qe jlu: Súa, Harnefer, Súal, Beri, Imra,

³⁷Beser, Hod, Sama, Silsa, Itrán ex Beera.

³⁸Qe tky'ajal Jeter, atzun qe jlu: Jefone, Pispa ex Ara.

³⁹Qe tky'ajal Ula, atzun qe jlu: Ara, Haniel ex Rezia.

⁴⁰Kykyaqil qe jlu tiyjil Aser qe. Nejenel qe kye junjun k'loj tiyjil Aser, sk'o'maj qe ex kyuw kyk'u'j tuj q'oj, ex nejenel qe kye qe xinaq ma' kyoklen. Ik tza'nx tajlal kyb'i tz'ib'an, japun 26 mil xinaq otoq b'ant tu'n kyxi' tuj q'oj.