Read kumam Esdras 10 Bible Online

Esdras 10 - kumam bible

Esdras 10

¹Tej tok ten Esdras na'l Dios ex q'malte kyil xjal te Dios, in oq' wen ex kub' mutze' twitz tja Dios, b'aj kytxolb'an kyib' nimku xjal aj Israel ti'jele, tza'nx qe xinaq ikx qe xu'j ex qe k'wa'l ax ikx in che oq'toq kyuwxix.

²Xitzun tma'n Secanías aju tky'ajal Jehiel ex tiyjil Elam te Esdras kyja': Ma qo b'inchane il twitz Dios tu'nju ma qo moje'ye kyuk'il qe xu'j mya judiy qe, te junxitl nasyon qe, ex maske ikju, atx oyb'il kye aj Israel.

³Kxel qtziyane tu'n kyex qlajo'ne qxu'jile, aqeju mya judiy qe, kyuk'ix qe kyal, tu'ntzun tjapun aju ley, ik tza'nx o tmaya ex o kyma qeju in che nimante tmandamyent Qman.

⁴We'ktza, porke aya at toklen tu'n tb'inchante jlu; atzun qeye jaku qo onine ti'ja. Kyuwx tk'u'ja ex b'inchama jlu.

⁵Jawtzun we' Esdras kyxol, ex xi tma'n kye nejenel kye pal, kye aj Leví ex kye kykyaqil xjal aj Israel, tu'n t-xi kytziyan jun yol axix tok twitz Qman, tu'n tjapun kyu'n ik tza'nx otoq tma Secanías; kykyaqil xjal b'a'n ela tuj kywitz ex xi kytziyan tu'n tb'ant kyu'n.

⁶Ik'tzun Esdras twitz tja Dios ex xi' tuj tcuart Johanán aju tky'ajal Eliasib; minti' o wa'n ex minti' o k'an tu'n tb'is, tu'n tlaj mya b'a'n otoq kyb'incha qe xjal otoq che etz tuj Babilonia ex otoq che ul meltz'aj tuj Jerusalén.

⁷Te tib'ajxi ex jun txokb'il kye kykyaqil xjal tuj Judá ex tuj Jerusalén, aqeju otoq che etz tuj Babilonia, tu'n tok kychmon kyib' tuj Jerusalén;

⁸qatzun at jun minti' ma txi tniman tu'n tpon tuj toxin q'ij, ik tza'nx otoq kyaj b'ant ti'j kyu'n qe nejenel ex qe tij xjal, k'elel q'it ttx'otx' aju ma kub' tetzan, ex b'i'x k'elex lajet kyxol qe xjal ma che ul tuj Jerusalén.

⁹Kyja'tzun, tuj toxin q'ij tuj winqin tajlal tb'elajin xjaw, kykyaqil qe xinaq tiyjil Judá ex tiyjil Benjamín ok kychmon kyib' tuj Jerusalén. Kykyaqiltzun pon b'aj kychmon kyib' tuj lugar jatum in pon kychmon kyib' xjal twitz tja Dios, in che lu'lun tu'n tchi aju at tu'n tb'ant ti'j ex tu'n tlaj jb'al in kub'toq kyib'aj.

¹⁰Jawtzun we' Esdras aju pal, ex xi tma'n kye kyja': —Aqeye ma che b'inchane il tu'nju ma che moje'ye kyuk'il qe xu'j mya judiy qe, ex tu'n jlu ma ch'iy txqantl kyil aj Israel kyu'ne.

¹¹Ja'lotzun kypa'n jatz kyile twitz Dios, aju Kydios qtzan kyxe'chele, ex japunx kyu'ne aju tajb'il Qman. Kypa'mil kyib'e kyi'j qe xjal mya nimal Dios, ex kylajo'n ele qe kyxu'jile mya judiy, chi Esdras.

¹²Kykyaqiltzun xjal xi kytzaq'we'n tuk'il tq'ajq'ajel kywi' kyuwxix: —Kb'antel qu'ne noq alkyex ktzajel tma'na qeye.

¹³Ex nimxix qb'ete ato'ye tzalu, minti' tu'n tik' jb'al ex mlay b'ant ax tu'n qkyaj tene tuj cay. Aju yol lu mlay b'ant ti'j tuj jun ex mi tuj kab' q'ij, tu'nju nimxix qb'ete o qo b'inchane il lu.

¹⁴Mas b'a'n tu'n kykyaj ten qe nejenel qeye te qxele, ex kykyaqil qeju najlqe tuj qtanmiye, aqeju o che moje' kyuk'il qe xu'j mya judiy, b'a'n tu'n kyul tuj jun q'ij kyjel b'ant ti'j ex ktzajel kyuk'in kyib' kyuk'il qe nejenel ex qe jwes ate' tuj kytanmi, okxi tel tpa'n tib' tq'oj Qman qi'je tu'n tlaj qb'inchb'ene mya b'a'n, che chi xjal.

¹⁵Kykyaqiltzun qeju otoq che ul tuj Jerusalén b'a'n ela tuj kywitz tu'n tb'ant ikju, noq o'kx Jonatán aju tky'ajal Asael, tuk'ix Jahazías aju tky'ajal Ticva, minti' kub' tuj kywitz tu'n tb'ant ikju, ex o kyuwsanjtz kyyol tu'n Mesulam ex Sabetai, aqeju aj Leví. Ex aku pal Esdras jaw sk'onte junjun xinaq nejenel qe kye junjun k'loj xjal at kyxilen kyxolx ex ok tq'o'n kyoklen, ex tuj tnejel q'ij te tlajin xjaw, kykyaqiltzun qeju otoq tz'ok q'o'n kyoklen ok kychmon kyib' tu'n tb'ant ti'j jlu kyu'n.

¹⁷Ex tuj tnejel q'ij te tnejel xjaw, pon b'aj twi' kyu'n tu'n t-xi kyb'incha'n kyi'j qe xinaq otoq che moje' kyuk'il qe xu'j mya judiy qe.

¹⁸Qe pal e moje' kyuk'il qe xu'j mya judiy qe, atzun qe jlu: Kyxol tiyjil Jesúa aju tky'ajal Josadac, ex kyxol qeju at kyxilen tuk'il, atzun kyb'i jlu: Maasías, Eliezer, Jarib ex Gedalías,

¹⁹atzun qe jlu xi kytziyan jun yol axix tok tu'n tex kylajo'n qe kyxu'jil mya judiy qe, ex teyle junjun xi tq'o'n jun tman ẍne'l te jun oyaj te chojb'il til.

²⁰Kyxol tiyjil Imer, atzun qe jlu: Hanani ex Zebadías.

²¹Kyxol tiyjil Harim, atzun qe jlu: Maasías, Elías, Semaías, Jehiel ex Uzías.

²²Kyxol tiyjil Pasur, atzun qe jlu: Elioenai, Maasías, Ismael, Natanael, Jozabad ex Elasa.

²³Kyxol kyiyjil aj Leví, atzun qe jlu: Jozabad, Simei, Kelaía (ex qa Kelita), Petaías, Judá ex Eliezer.

²⁴Kyxol kyiyjil qe b'itzal, atzun Eliasib. Kyxol kyiyjil qe xq'uqil ttzi tja Dios, atzun qe jlu: Salum, Telem ex Uri.

²⁵Aqeju txqantl xjal aj Israel e b'inchante ax il lu, atzun qe jlu: Kyxol tiyjil Paros, atzun: Ramía, Jezías, Malquías, Mijamín, Eleazar, Malquías ex Benaía.

²⁶Kyxol tiyjil Elam, atzun qe jlu: Matanías, Zacarías, Jehiel, Abdi, Jeremot ex Elías.

²⁷Kyxol tiyjil Zatu, atzun qe jlu: Elioenai, Eliasib, Matanías, Jeremot, Zabad ex Aziza.

²⁸Kyxol tiyjil Bebai, atzun qe jlu: Johanán, Hananías, Zabai ex Atlai.

²⁹Kyxol tiyjil Bani, atzun qe jlu: Mesulam, Maluc, Adaía, Jasub, Seal ex Ramot.

³⁰Kyxol tiyjil Pahat-moab, atzun qe jlu: Adna, Quelal, Benaía, Maasías, Matanías, Bezaleel, Binúi ex Manasés.

³¹Kyxol tiyjil Harim, atzun qe jlu: Eliezer, Isías, Malquías, Semaías, Simeón,

³²Benjamín, Maluc ex Semarías.

³³Kyxol tiyjil Hasum, atzun qe jlu: Matenai, Matata, Zabad, Elifelet, Jeremai, Manasés ex Simei.

³⁴Kyxol tiyjil Bani, atzun qe jlu: Madai, Amram, Uel,

³⁵Benaía, Bedías, Quelúhi,

³⁶Vanías, Meremot, Eliasib,

³⁷Matanías, Matenai ex Jaasai.

³⁸Kyxol tiyjil Binúi, atzun qe jlu: Simei,

³⁹Selemías, Natán, Adaía,

⁴⁰Macnadebai, Sasai, Sarai,

⁴¹Azareel, Selemías, Semarías,

⁴²Salum, Amarías ex José.

⁴³Kyxol tiyjil Nebo, atzun qe jlu: Jeiel, Matatías, Zabad, Zebina, Jadau, Joel ex Benaía.

⁴⁴Kykyaqil qe xjal lu otoq che jaw moje' kyuk'il qe xu'j mya judiy qe, ex kyxol qe xu'j lu at junjun otoq tzul itz'j kyal.