Read kumam Nehemías 11 Bible Online

Nehemías 11 - kumam bible

Nehemías 11

¹Qe nejenel kye tnam xjal e najan tuj Jerusalén, atzun txqantl xjal jaw kyi'n swert kyxolx, tu'n tkyaj ten jun ja xjal kyxol lajchaq najal tuj Jerusalén aju tnam xjan, ex atzun b'elajtl ja xjal ax tu'n kykyaj ten najal kyuj kytanmi.

²E tzalaj tnam xjal kyi'j qeju kyu'nx xi kyq'on kyib' tu'n kyxi' najal tuj Jerusalén.

³Atzun kyuj qe tnam ate' tuj Judá e najan qe aj Israel, qe pal, qe aj Leví, qe ajb'el tuj tja Dios ex qe kyiyjil tmajen Salomón; teyle junjun najan tuj tex ttanmi ex tuj tex ttx'otx', aju etzan tu'n. Atzun qe nejenel jlu te junjun tnam ate' tuj tkwent Judá, e pon najal tuj Jerusalén.

⁴At junjun aj Judá ex aj Benjamín e najan tuj Jerusalén, ex qe tiyjil Judá e najan tuj Jerusalén atzun qe jlu: Ataías aju tky'ajal Uzías, atzunte Uzías tky'ajal Zacarías, atzunte Zacarías tky'ajal Amarías, atzunte Amarías tky'ajal Sefatías, atzunte Sefatías tky'ajal Mahalaleel aju tiyjil Fares;

⁵ex Maasías aju tky'ajal Baruc, atzunte Baruc tky'ajal Colhoze, atzunte Colhoze tky'ajal Hazaías, atzunte Hazaías tky'ajal Adaías, atzunte Adaías tky'ajal Joiarib, atzunte Joiarib tky'ajal Zacarías, atzunte Zacarías tky'ajal Siloni.

⁶Aju kyajlal tiyjil Fares e kyaj ten najal tuj Jerusalén, kyaje syent tuk' 68 kyb'et, ex kykyaqil qe xinaq lu kyuw kyk'u'j tuj q'oj.

⁷Atzun qe tiyjil Benjamín atzun qe jlu: Salú aju tky'ajal Mesulam, atzunte Mesulam tky'ajal Joed, atzunte Joed tky'ajal Pedaías, atzunte Pedaías tky'ajal Colaías, atzunte Colaías tky'ajal Maasías, atzunte Maasías tky'ajal Itiel, atzunte Itiel tky'ajal Jesaías;

⁸ex kyuk'ix Gabai ex Salai. Aju kyajlal tu'n kykyaqil, japun b'elaj syent tuk' 28 kyb'et.

⁹Aju nejenel kye, atzun Joel aju tky'ajal Zicri, tuk'ix Judá aju tky'ajal Senúa, aju tkab'in nejenel tuj tnam.

¹⁰Kyxol kyiyjil qe pal, atzun qe jlu: Gedaías aju tky'ajal Joiarib, tuk'ix Jaquín

¹¹ex Seraías aju tky'ajal Hilcías; atzunte Hilcías tky'ajal Mesulam, atzunte Mesulam tky'ajal Sadoc, atzunte Sadoc tky'ajal Meraiot, atzunte Meraiot tky'ajal Ahitob, ex ate Ahitob nejenel ma'xix toklen tuj tja Dios.

¹²Ax ikx qe tuk'il, aqeju in che aq'nan tuj aq'untl tuj tja Dios, 822 kyb'et. Tuk'ix Adaías aju tky'ajal Jeroham, ate Jeroham tky'ajal Pelalías, atzunte Pelalías tky'ajal Amsi, atzunte Amsi tky'ajal Zacarías, atzunte Zacarías tky'ajal Pasur, atzunte Pasur tky'ajal Malquías.

¹³Kyuk'ix qeju at kyxilen kyuk'il, aqeju nejenel kye junjun k'loj xjal at kyxilen kyxolx, japun jun kyajlal te kab' syent tuk' 42 kyb'et tuk'ix Amasai, aju tky'ajal Azareel; ate Azareel tky'ajal Azai, atzunte Azai tky'ajal Mesilemot, atzunte Mesilemot tky'ajal Imer.

¹⁴Kyuk'ix qeju at kyxilen kyuk'il, aqeju xinaq kyuw kyk'u'j tuj q'oj, japun jun kyajlal te 128 kyb'et, ex aju nejenel kye, atzun Zabdiel aju tky'ajal Gedolim.

¹⁵Atzun kyxol kyiyjil aj Leví, atzun qe jlu: Semaías aju tky'ajal Hasub, ate Hasub tky'ajal Azricam, atzunte Azricam tky'ajal Hasabías, atzunte Hasabías tky'ajal Buni;

¹⁶ate Sabetai tuk'ix Jozabad, nejenel qe kye aj Leví ex tuj kykwent ta' aq'untl in b'ant ti'jxi tja Dios.

¹⁷Ate Matanías tky'ajal Micaía, atzunte Micaía tky'ajal Zabdi, atzunte Zabdi tky'ajal Asaf aju nejenel kye qe b'itzal, aqeju in che nimsante tb'i Dios ex in kyq'o'n chjonte te Dios ok nno'k na'j Dios; ate Bacbuquías nejenel kye tkab'in k'loj, tuk'ix Abda aju tky'ajal Samúa, ate Samúa tky'ajal Galal, atzunte Galal tky'ajal Jedutún.

¹⁸Aju kyajlal aj Leví e kyaj ten najal tuj tnam xjan, japun kab' syent tuk' 84 kyb'et.

¹⁹Kyxol kyiyjil qe xq'uqil ttzi tja Dios, atzun qe jlu: Acub ex Talmón kyuk'ix qeju at kyxilen kyuk'il, xq'uqil kytzi tlamel ja qe; japun jun kyajlal te jun syent tuk' 72 kyb'et.

²⁰Atzun txqantl xjal aj Israel ex qe pal ex qe aj Leví, e je'x najal kyuj txqantl tnam ate' tuj Judá, teyle junjun tuj tex ttx'otx';

²¹atzun qe ajb'el tuj tja Dios e najan tuj Ofel, ex aqeju nejenel kye atzun Ziha ex Gispa.

²²Atzunju nejenel kye aj Leví, aqeju najlqe tuj Jerusalén, atzun Uzi aju tky'ajal Bani, ate Bani tky'ajal Hasabías, atzunte Hasabías tky'ajal Matanías, atzunte Matanías tky'ajal Micaía; aqe jlu tiyjil Asaf qe, ex atzun qe kyok te nejenel kye qe b'itzal, aqeju in che ajb'en tuj tja Dios,

²³ex atzunte rey otoq txi tq'o'n orden kye qe b'itzal alkye tu'n tb'ant kyu'n tkyaqil q'ij.

²⁴Aju xjal yolil tu'n tb'ant ti'j noq alkyex jun ti'xti kye tnam xjal twitz rey, atzun Petaías aju tky'ajal Mesezabeel aju tiyjil Zera, aju tky'ajal Judá.

²⁵At junjun tiyjil Judá e najan kyuj qe tnam lu: Kiriat-arba, Dibón, Jecabseel,

²⁶Jesúa, Molada, Bet-pelet,

²⁷Hazar-sual, Beerseba,

²⁸Siclag, Mecona,

²⁹En-rimón, Zora, Jarmut,

³⁰Zanoa, Adulam, Laquis ex Azeca, kyuk'ix qe aldey ex qe kojb'il ate' kyi'jele. Aju kylugar jatum e kub' ten tu'n kynajan, xi'x qe' tuj Beerseba ex pon b'aj tuj chq'ajlaj Hinom.

³¹Atzun qe tiyjil Benjamín e najan kyuj qe tnam lu: Geba, Micmas, Aía ex Bet-el, kyuk'ix qe aldey ate' kyi'jele;

³²ax ikx at e najan kyuj qe tnam lu: Anatot, Nob, Ananías,

³³Hazor, Ramá, Gitaim,

³⁴Hadid, Seboím, Nebalat,

³⁵Lod, Ono, ex tuj chq'ajlaj kye qeju b'a'n che b'inchan tkyaqil txkaj aq'untl tb'anilxix.

³⁶Ax ikx at junjun aj Leví najl qe tuj kytx'otx' tiyjil Judá, e je'x najal tuj kytx'otx' tiyjil Benjamín.