Read kumam Nehemías 12 Bible Online

Nehemías 12 - kumam bible

Nehemías 12

¹Atzun qe pal jlu ex qe aj Leví, aqeju e etz tuj Babilonia junx tuk'il Zorobabel aju tky'ajal Salatiel, ex tuk'il Jesúa. Atzun kyb'i qe pal jlu: Seraías, Jeremías, Esdras,

²Amarías, Maluc, Hatús,

³Secanías, Rehum, Meremot,

⁴Iddo, Gineto, Abías

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías ex Jedaías. Atzun qe nejenel kye qe pal jlu ex nejenel qe kye qeju at kyxilen kyuk'il tuj tq'ijlalil Jesúa.

⁸Qe aj Leví atzun qe jlu: Jesúa, Binúi, Cadmiel, Serebías, Judá ex Matanías, kyuk'ix qe kyuk'il; atzun qe at kyoklen tu'n kyb'itzan b'itz te nimb'il te Dios;

⁹tuk'ix Bacbuquías ex Uni, ax kab'etl kyuk'il jlu, ex atzun qe in che kub' ten kywitz tuj juntl pak' ok in che b'itzan.

¹⁰Ate Jesúa tman Joiacim, atzunte Joiacim tman Eliasib, atzunte Eliasib tman Joiada,

¹¹atzunte Joiada tman Jonatán, ex atzunte Jonatán tman Jadúa.

¹²Qe pal nejenel qe kye junjun k'loj pal at kyxilen kyuk'il tuj tq'ijlalil Joiacim, atzun qe jlu: Aju nejenel kye tiyjil Seraías, atzun Meraías; aju nejenel kye tiyjil Jeremías, atzun Hananías;

¹³aju nejenel kye tiyjil Esdras, atzun Mesulam; aju nejenel kye tiyjil Amarías, atzun Johanán;

¹⁴aju nejenel kye tiyjil Melicú, atzun Jonatán; aju nejenel kye tiyjil Sebanías, atzun José;

¹⁵aju nejenel kye tiyjil Harim, atzun Adna; aju nejenel kye tiyjil Meraiot, atzun Helcai;

¹⁶aju nejenel kye tiyjil Iddo, atzun Zacarías, aju nejenel kye tiyjil Ginetón, atzun Mesulam;

¹⁷aju nejenel kye tiyjil Abías, atzun Zicri; aju nejenel kye tiyjil Miniamín ex te Moadías, atzun Piltai;

¹⁸aju nejenel kye tiyjil Bilga, atzun Samúa; aju nejenel kye tiyjil Semaías, atzun Jonatán;

¹⁹aju nejenel kye tiyjil Joiarib, atzun Matenai; aju nejenel kye tiyjil Jedaías, atzun Uzi;

²⁰aju nejenel kye tiyjil Salai, atzun Calai, aju nejenel kye tiyjil Amoc, atzun Eber;

²¹aju nejenel kye tiyjil Hilcías, atzun Hasabías; aju nejenel kye tiyjil Jedaías, atzun Natanael.

²²Tz'ib'amaj kyb'i qe nejenel kye junjun k'loj aj Leví at kyxilen kyxolx, ax ikx kye pal, atxix tuj tq'ijlalil Eliasib, Joiada, Johanán ex Jadúa, tejxi tkawin Darío aju aj Persia.

²³Qe nejenel kye junjun k'loj aj Leví at kyxilen kyxolx, atzun tz'ib'an kyb'i tuj u'j jatum ta' tkyaqilju tx'olb'ab'en ti'j kyaq'unb'en, ex ul b'aj tuj tq'ijlalil Johanán aju tky'ajal Eliasib.

²⁴Qe nejenel kye aj Leví, atzun qe jlu: Hasabías, Serebías, Jesúa aju tky'ajal Cadmiel, kyuk'ix qe kyuk'il in che kub' ten kywitz tuj juntl pak', in jaw kynimsa'n tb'i Qman ex in xi kyq'o'n chjonte te ok in tzaj kytzaq'we'n tuj kyb'itz, ik tza'n q'ma'maj tu'n David aju tmajen Dios.

²⁵Ex aqeju in che xq'uqin kytzi tlamel ja k'ub'l twitz awal, atzun qe jlu: Matanías, Bacbuquías, Obadías, Mesulam, Talmón ex Acub.

²⁶Aqe jlu e ten tuj tq'ijlalil Joiacim aju tky'ajal Jesúa ex tal tchman Josadac, ex tuj tq'ijlalil gobernador Nehemías ex tuj tq'ijlalil Esdras aju pal ex xnaq'tzal ti'j ley.

²⁷Tejtzun tpon q'ij tu'n tik'set tq'ijlalil muro tok ti'j Jerusalén, e jyonjtz qe aj Leví tuj tkyaqil lugar jatum najlqe, e je'xtzun q'i'n tuj Jerusalén tu'n tik'set tq'ijlalil muro tuk'il tzalajb'il, tu'n tjaw nimset tb'i Dios tuk'il b'itz ex kyuk'il chnab', laq k'uxb'il, kitar ex arpa.

²⁸Ex ok kychmon kyib' qe b'itzal, aqeju najlqe ti'jele Jerusalén kyuk'ix qeju ate' kyuj qe aldey te Netofa,

²⁹kyuk'ix qeju ate' tuj Bet-gilgal, kyuk'ix qeju ate' tuj kojb'il at tuj Geba ex tuj Azmavet; porke aqeju b'itzal otoq che kub' ten najal kyuj qe aldey ate' ti'jele Jerusalén.

³⁰Tejtzun tb'aj kyxjansan kyib' qe pal ex qe aj Leví, e ok ten xjansal kye tnam xjal, kyuk'ix qe tlamel tnam ex ju muro.

³¹Te tib'ajxi xi nma'ne tu'n kyjax qe nejenel kye aj Judá twi muro, ex e ok nq'o'ne kab'e k'loj b'itzal nim kyajlal. Aju tnejel k'loj kyja' e je'x b'et tib'aj muro tuj b'anq'ab'aj tumlal tlamel tnam jatum nne'x chitet tz'is.

³²Kyi'jxi qe b'itzal, lepchix t-xi' Osaías, kyuk'il mij nejenel kye aj Judá,

³³tuk'ix Azarías, Esdras, Mesulam,

³⁴Judá, Benjamín, Semaías ex Jeremías.

³⁵Qe pal ate' kyuk'il, aqeju in che q'ajtzan chun, atzun qe jlu: Zacarías aju tky'ajal Jonatán, ate Jonatán tky'ajal Semaías, atzunte Semaías tky'ajal Matanías, atzunte Matanías tky'ajal Micaías, atzunte Micaías tky'ajal Zacur, ex atzunte Zacur tky'ajal Asaf.

³⁶Qe txqantl kyerman atzun qe jlu: Semaías, Azarael, Milalai, Gilalai, Maai, Natanael, Judá ex Hanani, ex atzun qe jlu in che q'ajtzan qe chnab', ik tza'n qe chnab' e ajb'en tu'n David aju tmajen Dios, ex atzunte Esdras aju xnaq'tzal ti'j ley, nejnitoq kywitz.

³⁷Tej kypon jatum ta' Ttzi ja Twi A' tb'i, e je'x b'ettl ex e jax kywi' qe grad aju in japun jatum ta' tnam tok tb'i Ttanmi David, ex kukx e jax tu'n kyjapun jatum kub' ten tja rey David, tejxi kyjapun jatum ta' Ttzi ja Kye A' tb'i, aju tkub' tumlal tjawitz q'ij.

³⁸Atzun tkab'in k'loj b'itzal kyja' e je'x b'et tuj nayaj, lepch nxi'ye kyi'j tkab'in k'loj b'itzal tib'aj muro kyuk'il mijtl xjal, xi'x qe' qu'ne jatum tkub'sa'n ja ma' twa'l, Ja te Jorni tb'i, ex o pone jatum ta' Muro Ma' Twitz;

³⁹ex o ik'e jatum kykub'sa'n qe tlamel tnam lu: Aju Tlamel tnam Efraín tb'i, Tlamel tnam Jesana tb'i, Tlamel tnam kye Kyiẍ tb'i, ex jatum ta' ja ma' twa'l Hananeel tb'i, tuk'ix ju ja ma' twa'l Hamea tb'i, max o pon b'aje jatum tkub'sa'n Tlamel tnam kye Ẍne'l tb'i, ex o kub' we'ye jatum tkub'sa'n Tlamel tnam te Xq'uqb'il.

⁴⁰Atzun qe kab'e k'loj b'itzal e pon tuj tja Dios, teyle junjun k'loj tuj kyex kylugar; ax ikx weye kyuk'ix mij kawil, aqeju in che b'et junx wuk'ile.

⁴¹Qe pal in che q'ajtzan chun, atzun qe jlu: Eliacim, Maaseías, Miniamín, Micaías, Elioenai, Zacarías ex Hananías,

⁴²Maasías, Semaías, Eleazar, Uzi, Johanán, Malquías, Elam ex Ezer. Qe b'itzal in che b'itzantoq junx, ex aju nejenel kye, atzun Israhías.

⁴³Tuj q'ij lu xi kyq'o'n nimku chojb'il, atzun kye xjal nimxix e tzalaj porke a Dios tzaj q'onte nimxix tzalajb'il tuj chq'ajlaj. Ax ikx qe xu'j ex qe k'wa'l nimxix e tzalaj, ex aju tzalajb'il b'aj tuj Jerusalén o b'injtz kyuj qe lugar mas najchaq.

⁴⁴Tuj tq'ijlalil lu ok q'o'n kyoklen junjun xinaq tu'n kykwentin qe ja te k'ub'l oyaj aju in pon kyi'n xjal, ex tu'n tjaw kychmo'n tnejel kywitz awal ex qe tlaji'n nne'l kypa'n xjal ti'j ju at kye, tu'ntzun tajb'en kye pal ex kye aj Leví ik tza'n in tma'n ley, ex tu'ntzun tokx kyk'u'n kyuj qe k'ub'l, porke qe xjal aj Judá in che tzalajtoq kyi'j qe pal ex kyi'j aj Leví, tu'nju in che ajb'en tuj kyajb'eb'l.

⁴⁵Tza'nx kye, ax ikx qe b'itzal ex qe xq'uqil ttzi tja Dios, o japun kyu'n aju ajb'eb'l tuj taq'un Dios, ex tuj kykwent tu'n tb'aj kysaqsa'n tkyaqil, ik tza'nx b'animaj ti'j tu'n David ex tu'n Salomón aju tky'ajal.

⁴⁶Atxix ojtxi tej tten Asaf tuj tq'ijlalil rey David, ate'toq qe nejenel kye qe b'itzal, aqeju in che b'itzan b'itz te nimb'il te Dios ex te q'ob'l chjonte te.

⁴⁷Kyja'tzun tuj tq'ijlalil tej tten Zorobabel, ax ikx tej tten Nehemías, kykyaqil aj Israel xi kyq'o'n twitz kyawal teyle junjun q'ij, tu'n tajb'en te kye qe b'itzal ex kye qe xq'uqil ttzi tja Dios; ax ikx xi kyq'o'n kye aj Leví aju at kyoklen ti'j, ax ikx kye aj Leví nne'l kypa'n ch'in ti'j ju otoq kyk'am, tu'n t-xi kyq'o'n kye qe pal, aqeju tiyjil Aarón.