Read kumam Nehemías 7 Bible Online

Nehemías 7 - kumam bible

Nehemías 7

¹Tejtzun tpon b'aj aq'untl ti'j muro ex tej kyok b'aj qe tlamel ti'j, e oktzun nq'o'ne qe xq'uqil ttzi tlamel tnam, qe b'itzal ex qe aj Leví.

²Aqeju nejenel e ok nq'o'ne tu'n kykawin kyib'aj xjal tuj Jerusalén, atzun Hanani aju wermaniye, tuk'ix Hananías aju comandant tuj cuartel, aju xjal lu axix tok yolin ex masxix in xob' twitz Dios kywitz txqantl xjal.

³Xi nma'ne kye tu'n mi'n kyjaqet qe tlamel tnam Jerusalén qa na'nxtoq tmeq't q'ij, ex max che lametel tlamel segurxix ch'ixtoq tex q'ij ex na'nxtoq kyaj qe xq'uqil tnam. Ax ikx e ok nq'o'ne qe xq'uqil kyxol qe xjal najlqe tuj tnam Jerusalén, tu'ntzun kyxq'uqin jatum b'animaj ti'j tu'n kyxq'uqin, ex junjuntl ax tu'n kyxq'uqin twitz kyex kyja.

⁴Aju tnam matijxix wen ex ma'xix twitz, ex mya nim xjal at tuj, tu'nju na'nxtoq kyjaw b'incha'n juntl maj qe ja tuj.

⁵Tzajtzun tkyuwsa'n Dios weye tu'n kyok nchmo'ne qe xjal ma' kyoklen, kyuk'ix qe xjal at kyoklen tuj kawb'il ex kykyaqil tnam xjal, tu'n ttz'ib'et kyb'i kykyaqil tuj jun libro te q'ib'l kyajlal kykyaqil xjal, ex knet libro wu'ne jatum tz'ib'amaj kyb'i kykyaqil qeju otoq che ul nej. Tujtzun libro lu tz'ib'an qe yol lu:

⁶Atzun qe aj Israel jlu, aqeju ax otoq che itz'j tuj Judá ex otoq che pon q'i'n tu'n rey Nabucodonosor tuj Babilonia. E je'tz tuj Babilonia tu'n kyul tuj Jerusalén ex tuj Judá, ex teyle junjun o pon tuj tnam jatum otoq che najan qe kyman tnejel. E ul uk'in kyu'n Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum ex Baana:

⁷

⁸Kyxol tiyjil Paros, kab' mil tuk' jun syent tuk' 72 kyb'et;

⁹Kyxol tiyjil Sefatías, ox syent tuk' 72 kyb'et;

¹⁰Kyxol tiyjil Ara, qaq syent tuk' 52 kyb'et;

¹¹Kyxol tiyjil Pahat-moab, aqeju tiyjil Jesúa ex Joab, kab' mil tuk' wajxaq syent tuk' 18 kyb'et;

¹²Kyxol tiyjil Elam, jun mil tuk' kab' syent tuk' 54 kyb'et;

¹³Kyxol tiyjil Zatu, 45 kyb'et;

¹⁴Kyxol tiyjil Zacai, wuq syent tuk' 60 kyb'et;

¹⁵Kyxol tiyjil Binúi, qaq syent tuk' 48 kyb'et;

¹⁶Kyxol tiyjil Bebai, qaq syent tuk' 28 kyb'et;

¹⁷Kyxol tiyjil Azgad, kab' mil tuk' ox syent tuk' 22 kyb'et;

¹⁸Kyxol tiyjil Adonicam, qaq syent tuk' 67 kyb'et;

¹⁹Kyxol tiyjil Bigvai, kab' mil tuk' 67 kyb'et;

²⁰Kyxol tiyjil Adín, qaq syent tuk' 55 kyb'et;

²¹Kyxol tiyjil Ater, aqeju tiyjil Ezequías, 98 kyb'et;

²²Kyxol tiyjil Hasum, ox syent tuk' 28 kyb'et;

²³Kyxol tiyjil Bezai, ox syent tuk' 24 kyb'et;

²⁴Kyxol tiyjil Harif, jun syent tuk' 12 kyb'et;

²⁵Kyxol tiyjil Gabaón, 95 kyb'et;

²⁶Kyxol qe xinaq aj Belén ex aj Netofa, jun syent tuk' 88 kyb'et;

²⁷Kyxol qe xinaq aj Anatot, jun syent tuk' 28 kyb'et;

²⁸Kyxol qe xinaq aj Bet-azmavet, 42 kyb'et;

²⁹Kyxol qe xinaq aj Quiriat-jearim aj Cafira ex aj Beerot, wuq syent tuk' 43 kyb'et;

³⁰Kyxol qe xinaq aj Ramá ex aj Geba, qaq syent tuk' 21 kyb'et;

³¹Kyxol qe xinaq aj Micmas, jun syent tuk' 22 kyb'et;

³²Kyxol qe xinaq aj Bet-el ex aj Hai, jun syent tuk' 23 kyb'et;

³³Kyxol qe xinaq aj Nebo, aju juntl tnam Nebo, 52 kyb'et.

³⁴Kyxol qe xinaq aj Elam, aju juntl Elam, jun mil tuk' kab' syent tuk' 54 kyb'et;

³⁵Kyxol qe xinaq aj Harim, ox syent tuk' winqin kyb'et;

³⁶Kyxol qe xinaq aj Jericó, ox syent tuk' 45 kyb'et;

³⁷Kyxol qe xinaq aj Lod aj Hadid ex aj Ono, wuq syent tuk' 21 kyb'et;

³⁸Kyxol qe xinaq aj Senaa, ox mil tuk' b'elaj syent tuk' 30 kyb'et;

³⁹Kyxol tiyjil pal Jedaías, aqeju tiyjil Jesúa, b'elaj syent tuk' 73 kyb'et;

⁴⁰Kyxol tiyjil pal Imer, jun mil tuk' 52 kyb'et;

⁴¹Kyxol tiyjil pal Pasur, jun mil tuk' kab' syent tuk' 47 kyb'et;

⁴²Kyxol tiyjil pal Harim, jun mil tuk' wuqlaj kyb'et;

⁴³Kyxol aj Leví, aqeju tiyjil Jesúa ex Cadmiel ax tiyjil Hodavías qe; 74 kyb'et;

⁴⁴Kyxol qe xjal b'a'n che b'itzan, aqeju tiyjil Asaf, jun syent tuk' 48 kyb'et;

⁴⁵Qe xjal xq'uqil ttzi tja Dios, aqeju kyiyjil Salum, Ater, Talmón, Acub, Hatita ex Sobai; japun jun syent tuk' 38 kyb'et tu'n kykyaqil.

⁴⁶Kyxol qeju in che ajb'en tuj tja Dios, aqeju tzajni kyiyjil kyi'j qe xjal lu: Ziha, Hasufa, Tabaot,

⁴⁷Queros, Siaha, Padón,

⁴⁸Lebana, Hagaba, Salmai,

⁴⁹Hanán, Gidel, Gahar,

⁵⁰Reaía, Rezín, Necoda,

⁵¹Gazam, Uza, Paseah,

⁵²Besai, Mehunim, Nefisesim,

⁵³Bacbuc, Hacufa, Harhur,

⁵⁴Bazlut, Mehida, Harsa,

⁵⁵Barcos, Sísara, Tema,

⁵⁶Nezía, ex qeju te Hatifa.

⁵⁷Ex qe kyiyjil qe tmajen Salomón, aqeju tzajni kyiyjil kyi'j qe xjal lu: Sotai, Soferet, Perida,

⁵⁸Jaala, Darcón, Gidel,

⁵⁹Sefatías, Hatil, Poqueret-hazebaím ex qeju tiyjil Amón.

⁶⁰Aju kyajlal kykyaqil qe ajb'el tuj tja Dios, kyuk'ix kyajlal qe kyiyjil tmajen Salomón, japun ox syent tuk' 92 kyb'et tu'n kykyaqil.

⁶¹Atzun qeju e tzaj kyuj qe tnam Tel-mela, Tel-harsa, Querub, Adón ex tuj Imer, ex minti'toq b'a'n kyu'n alkye kyxe'chel, ex qa ax kyiyjil aj Israel qe, atzun qe jlu:

⁶²Qe kyiyjil Delaía, Tobías ex Necoda, japun qaq syent tuk' 42 kyb'et tu'n kykyaqil.

⁶³Kyxol kyiyjil qe pal, atzun qe jlu: Qe kyiyjil Habaía, Cos ex Barzilai aju moje' tuk'il tme'jel jun xjal Barzilai tb'i aju aj Galaad, tu'ntzunju ok tb'i Barzilai.

⁶⁴Ku'x kyjyo'n kyb'i tuj libro jatum tz'ib'an kyb'i kykyaqil qeju at kyxilen kyuk'il, ex minti' knet kyb'i tuj libro, tu'ntzun jlu minti' xi q'o'n kyoklen tu'n kyok te pal.

⁶⁵Xi tq'o'n gobernador orden tu'n mi'n t-xi kywa'n wab'j xjansamaj, max kxel kywa'n okxi tajb'en Urim ex Tumin tu'n jun pal, tu'ntzun tel nik'b'aj kyi'j, qa ax tok kyiyjil pal qe.

⁶⁶Tu'n kykyaqil xjal lu, japun jun kyajlal te 42 mil tuk' ox syent tuk' 60 kyb'et,

⁶⁷ex part kyajlal kymajen xinaq ex kymajen xu'j. Attoq wuq mil tuk' ox syent tuk' 37 kyb'et. Ax ikx attoq kab' syent tuk' 45 b'itzal, xinaq ex xu'j.

⁶⁸Ax ikx attoq wuq syent tuk' 36 kychej cabay ex kab' syent tuk' 45 kychej mul,

⁶⁹ex kyaje syent tuk' 35 kychej camey ex qaq mil tuk' wuq syent tuk' 20 kychej bur.

⁷⁰Attoq junjun nejenel kye junjun k'loj aj Israel at kyxilen kyxolx, xi kyq'o'n kyoyaj tu'n tb'ant aq'untl; ax ikx te gobernador xi tq'o'n b'elajlaj libr q'an pwaq tuj k'ub'l pwaq, tuk'ix 50 laq matij ex jwe' syent tuk' 30 ẍjo'w in ajb'en kyu'n pal.

⁷¹Qe nejenel kye junjun k'loj aj Israel at kyxilen kyxolx xi kyq'a'k kyoyaj tuj k'ub'l pwaq tu'n tb'ant aq'untl, xi kyq'o'n ox quintal tuk' 75 libr q'an pwaq ex 26 quintal tuk' 66 libr saq pwaq;

⁷²Atzun qe txqantl xjal xi kyq'o'n ox quintal tuk' 75 libr q'an pwaq ex 25 quintal saq pwaq ex 67 ẍjo'w in ajb'en kyu'n pal.

⁷³Qe pal, qe aj Leví, qe xq'uqil ttzi tja Dios, qe b'itzal, qe xjal aj tnam, qe ajb'el tuj tja Dios ex kykyaqil aj Israel e kub' ten najal tuj kyex kytanmi. Tejtzun tok twuqin xjaw, ex ya otoq b'ant kyten aj Israel tujile kytanmi,