Read kumam Job 17 Bible Online

Job 17 - kumam bible

Job 17

¹Ch'ix tjaw b'aj nxewe; ch'ix tpon b'ajsb'il te nchwinqlale; in ayon muqb'il wi'je tu'n npone tuj.

²Ntxlaje o'kx qe xjal xmayil ate'; in che ok tzoqpaj wi'je tuk'il kytx'u'jil.

³Pero aya Nman yolina wi'je; ¿alkyetzun juntl qa mya aya jaku b'inchante?

⁴Aya o tz'el tzpet-sante kynab'l, mi'n taq'a amb'il tu'n tkub' wi'je kyu'n.

⁵Qe xjal noq tu'n pwaq in xi kyk'ayin qe kyamiw, tzul yajb'il kyi'j kyk'wa'l tu'n jlu.

⁶Ma tb'inchaya tu'n kyxmayin xjal wi'je, ex tu'n tok kytzub'an tuj nwitze.

⁷Nib'an tok muj kyi'j tb'aq' nwitze tu'n ta'w; jumajx ma tz'ok wi'je.

⁸Qe xjal tz'aqlxix in che jaw lab'in wi'je ok wok ke'yine kyu'n; in tzaj kyq'oj ex in chin ok kyq'o'n te jun aj il.

⁹In kyma'n qa tz'aqlxix qe ex minti' kyb'inchb'en mya b'a'n.

¹⁰Pero kytzaje kykyaqile ex mlay knet jun xjal wu'ne kyxole atwit tnab'l.

¹¹Ch'ix tjapun b'aj tuj nq'ije, aju in kub' nximane ex aju wajb'ile tu'n tb'ant minti' in japun.

¹²Atzun kye nno'k kyq'o'n qonik'an ik tza'n q'ijl; maske at qlolj ex in kyma'n ch'ix tul spik'un.

¹³Aju weye in chin ayon ti'j, o'kx tu'n npone tuj kynajb'il kyimni ex tu'n nkub' pale'ye tuj qxopin.

¹⁴Aju muqb'il mer ik tza'n nmane k'okel, atzun qe ẍuq' mer ik tza'n ntxu'ye ex wanb'e.

¹⁵¿Jatum b'a'n tok qe' nk'u'je? ¿Jatum b'a'n tknet q'uqb'ab'l nk'u'je?

¹⁶¿Okpe kb'elex q'uqb'ab'l nk'u'je junx wuk'ile tuj kynajb'il kyimni, tu'ntzun wojlane junx tuk'il tuj quq?