Read kumam Job 18 Bible Online

Job 18 - kumam bible

Job 18

¹Xitzun ttzaq'we'n Bildad aju aj Súa, ex tma:

²¿Jtoj b'a'n t-xi tkolin xjal lu tu'n tyolin? Noqwit at tumel tyol jakulo qo yolin tuk'il.

³¿Tiqu'n in qo ok tq'o'n ik tza'n jun txkup ex in qo ok tq'o'n minti' qnab'l?

⁴¿Chipetzuna qa tu'nju in b'aj tk'ixb'isan tib'a tu'n ttx'u'jila, kyjel ten twitz tx'otx' minti' xjal tuj ex qa che ik'el qe pik tuj kylugar?

⁵Kb'el yupj spik'un at tuk'il xjal mya b'a'n ex kb'el yupj q'aq' at tuj tja,

⁶aju tkandil kb'el yupj; minti'tl spik'un ktel tuj tja.

⁷Maske at tipun tu'n tb'et ex kb'el numj, ex aju mya b'a'n in kub' t-ximan ti'j juntl, te tex k'ajb'el.

⁸Kb'el ten jun k'ob'il tuj tb'e, ex kb'el tz'aq tuj k'ob'il lu.

⁹Kb'el ten jun saqb'aq jatum kb'el tqan, ok tik'x ax k'okel tb'alq'i'n tib' saqb'aq ti'j tqul tqan.

¹⁰Minti' q'ancha'l k'ob'il tkub' tuj b'e tu'ntzun ttzyet tuj ok tik' b'et.

¹¹Tuj tkyaqil part in tzaj t-xob'il ti'j; ok in b'et mer ik tza'n at jun lajolte tna'n.

¹²In b'aj tipun tu'n we'yaj; aju mya b'a'n b'anin tten tu'n ttzaj ti'j.

¹³In b'aj wa'n ttz'umal tu'n yab'il, ex cheb'a in xi chyo'n t-ximlal tu'n yab'il kyuwxix.

¹⁴K'eletz q'i'n tuj tja jatum ta'toq tuj txub'txaj, ex kxel jawo'n tu'n tpon twitz tajwil kamik.

¹⁵K'okel q'o'n tq'aq'al tja ex kxel chitun azufre tib'aj tetzb'il tu'n tnaj.

¹⁶Ik tten ik tza'n jun tze' tzqij tlok' ex tzqij qe tq'ab'.

¹⁷K'ik'el tna'njtz kyu'n xjal, ex mlay tzaj na'n tb'i juntl maj.

¹⁸K'elex q'i'n tuj spik'un tu'n tpon tuj qlolj; ex k'elex lajo'n tzalu twitz tx'otx'.

¹⁹Minti' jun tk'wa'l ex mi tiyjil kyjel ten tuj ttanmi; minti' jun kye qeju ate' tuj tja che kyjel anq'in.

²⁰Oktzun tb'injtz tuj tkyaqil lugar aju otoq b'aj ti'j, ok che sek'pajtel xjal ex ktzajel t-xob'il kyi'j.

²¹Atzun kb'ajel ti'j xjal mya b'a'n ex minti' ojtzqi'n Dios tu'n, chi Bildad.