Read kumam Job 26 Bible Online

Job 26 - kumam bible

Job 26

¹Xitzun ttzaq'we'n Job ex tma:

²¿Apetzun tumlal in onina ex tu'n tklonteya aju xjal minti' tipun?

³¿Tb'anilpetzun qe tconseja ex qe t-xnaq'tzb'ila in che'x tq'o'na teju xjal minti' ch'in b'a'n tu'n?

⁴¿Alkye ma onin teya tu'nju ma tzaj tmana qe yol lu? ¿Alkye ma tzaj q'mante qe yol lu teya tu'nju ma yolina ikju?

⁵Qe kyimni in che lu'lun tu'n kyxob'il kyuk'ix qeju najlqe max t-xe'pun mar.

⁶Aju kynajb'il kyimni q'ancha'l twitz Dios ex minti' tmaqsil tkub'.

⁷Tu'n Dios xi tlik'pu'n kya'j tib'aj ju minti'toq at ex jaw tyob'an tx'otx' tib'aj ju minti' at.

⁸Tu'n Dios chmo'n a' tuj muj ex minti' in tzaj tz'aq muj tjaq' talil;

⁹nno'k qlolj twitz xjaw tu'n, ok nno'k tq'o'n muj twitz;

¹⁰ttxa'npun mar kub' tq'o'n jun tmojonil tu'n tten spik'un tuj jun plaj ex tu'n tten qlolj tuj juntl plaj.

¹¹Ok in kawin Dios, in che tzaj lu'lun qe nmaq witz tu'n kyxob'il, jatum q'ejl kub' ju kya'j.

¹²Tu'n tipumal Dios mayet mar; ex tu'nju tnab'l kub' ti'j nintz txkup Rahab tb'i.

¹³Tu'nju t-xew xi t-xupin, el spik'e' twitz kya'j; ex tu'n tq'ab' kub' b'yo'n aju lob'aj kyuwxix ojqelan.

¹⁴Aju ma qb'i ti'j tb'inchb'en noq ch'in; aju ma qb'i ti'j tipumal, noq ch'in. ¿Alkye jun jaku tz'el tnik' ti'j tq'ajq'ajel tipumal in julin wen ik tza'n q'ankyoq?