Read kumam Job 35 Bible Online

Job 35 - kumam bible

Job 35

¹Tzyet tyolin Eliú juntl maj ex tma:

²¿Maj b'a'n tuj twitza Job, tu'nju in tma'na qa minti' tila twitz Dios?

³Porke o txi tma'na te Dios kyja': ¿Ti tajb'en weye tu'nju minti' ma nb'inchaye il? Chitzuna.

⁴Aqine chin xel tzaq'wente teya ex kye qe tamiwoya.

⁵Ke'yinxa twitz kya'j ex ke'yinxa, baqa niqa' tjax muj tib'aja.

⁶Qa ma b'inchana il, minti' jaku b'aj ti'j Dios tu'n; maske nimxix il ma b'ant tu'na, minti' jun mya b'a'n jaku tb'inchaya ti'j.

⁷Ex qa b'a'n in tb'incha'na, minti' jun in xi tq'o'na te tu'n jlu, minti' jun b'a'n in tb'incha'na te.

⁸Aju tila in tb'incha'n mya b'a'n ti'j jun xjal ik tza'nx aya, ex aju tb'inchb'ena b'a'n in tb'incha'n b'a'n ti'j jun xjal ik tza'nx aya.

⁹Tu'n ta'w yajb'il in che sch'in qe xjal, ex in che jyon ti'j alkye jun tu'n tklonte kye tuj kyq'ab' qeju at nimxix kyipun;

¹⁰pero minti' in che jyon ti'j Dios aju b'inchante kye, aju in tzaj q'onte tzalajb'il ok ttzaj xob'ajil,

¹¹aju in tzaj q'onte mas nim qnab'l twitz kye txkup ex qe chyu'j in che lipan twitz kya'j.

¹²In che sch'in, ex minti' in che tzaj tzaq'we'n tu'n Dios, porke mya b'a'n qe ex in jaw kyniman kyib'.

¹³Ate Dios aju at tipumal tu'n tb'ant tkyaqil tu'n minti' in tzaj tb'i'n kyyol qeju mya ax tok che yolin.

¹⁴Maske in tma'na qa minti' in tila twitz Dios, ex ayona ti'j, porke in tke'yin Dios aju in b'aj ti'ja.

¹⁵In tma'na qa minti' in tzaj tq'oj Dios ex mlay tzaj tq'o'n castiw ex minti'xix nno'k tq'o'n kwent ti'j il.

¹⁶Kyja'tzun aya Job in tma'na qe yol minti' kytxolil, nimxix in yolina ex minti' ch'in tojtzqib'la.