Read kumam Job 40 Bible Online

Job 40 - kumam bible

Job 40

¹Xi tma'ntl Qman te Job kyja':

²Atzun teya, taja tu'n woke tuj xjel tu'na, aqine aju at wipumale tu'n tb'ant tkyaqil wu'ne, ex ¿kukxpe k'okel tzoqpaja wi'je tu'n tyola?

³Xitzun ttzaq'we'n Job te Qman: ¿Ti b'a'n t-xi nma'ne? Ik tza'n weye, baqa ma' nxilene. Mas b'a'n tu'n mi nq'ajte.

⁵O chin yolinxe ex minti' txqantl yol tu'n t-xi nma'ne.

⁶Tzajtzun yolin Qman juntl maj tuk'il Job tuj txqan kyq'iq' jb'al ex tma:

⁷Yek'untz tipumala weye ja'lo ex tzaq'wentza qe nxjele lu:

⁸¿Tajpeya tu'n ttzaj tma'na qa mya tz'aqlxix qine ex qa at wile, atzun teya tu'n tok tq'on tib'a te tz'aqlxix?

⁹¿Maspetzun nim tipumala nwitze? ¿Jakupe q'ajt q'ankyoq tu'na ik tza'n in q'ajt wu'ne?

¹⁰Qa ax tok tu'na at tipumala ik tza'n weye, q'o'nk toklena te ma'xix, q'o'nk tajwalila ex q'o'nk t-spik'umala, tu'ntzun tjaw nimsa'na wen.

¹¹Ke'yinxa qeju in jaw kyniman kyib', tzajx nim ttx'u'jila kyi'j ex che tmansin kub'a qe.

¹²Ax tok b'a'n tu'n kynaj tu'na ok t-xi tke'yina kyi'j, che b'etz'an b'aja qe b'inchal mya b'a'n noq jatum ate'.

¹³Che tmaqun ku'xa kykyaqil tuj tx'otx' ex lamo'n okxa qe tuj presb'il kye kyimni.

¹⁴Qatzun ma b'ant tkyaqil jlu tu'na, atzun k'elel nnik'e ti'j qa tu'nx tipumala jaku b'ant tklonte tib'a.

¹⁵Ximana ti'j nintz txkup Behemot[3] tb'i, aju nch'isb'ene ik tza'n aya. B'a'n wa'n k'ul ik tza'n wakẍ.

¹⁶Puro kyuw tchib'jal tok ttzal ti'j ex ju tchib'jal tok tjaq' tk'u'j at nim tipun.

¹⁷Puro kyuw tje', mer ik tza'n tze' wi'ten, ex qe tb'otx'il tkux, mojmoj kyten.

¹⁸Qe tb'aqil mer ik tza'n jun tubo q'an k'uxb'il ttx'otx'il, ex mer ik tza'n barret.

¹⁹Atzun waq'unb'ene jlu mas ma' toklen; o'kx wu'ne jaku kub' ti'j, porke aqine in b'inchante te.

²⁰Qe witz jatum in che saqchan qe txkup in tzaj kypoq'sa'n k'ul te twa.

²¹Nno'kx b'une' tjaq' t-xlekumal tze' ex nno'kx tewan tib' tjaq' tqan ajlaj tuj sob'an.

²²Qe tze' in kyq'o'n xlekun tib'aj ex atzun nno'kx ten kyjaq' qe chjaj ate' ttzi tq'ab' xaq.

²³Qa ma ch'iy nima minti' in xob', maske japun a' tjaq' ttzi', pero minti' in tzaj b'aj tk'u'j.

²⁴¿Alkye jun jaku tzaj tzyunte te tu'n tjatz ti'n qe tb'aq' twitz ex qa tu'n tex tq'o'n jun saqb'aq tuj ttxa'n?