Read kumam Salmos 10 Bible Online

Salmos 10 - kumam bible

Salmos 10

¹Nman ¿tiqu'n najchaq in kyaj tena? ¿Tiqu'n in xi tewan tib'a tuj tq'ijlalil k'ixb'isab'l?

²Qe xjal mya b'a'n in jaw kyniman kyib', in b'aj kyyajla'n qe meb'a xjal; pero ax che kyjel tzyu'n kyu'n qe k'ob'il kyu'nx otoq kub' kyq'o'n.

³Qe xjal mya b'a'n in jaw kyniman kyib' ti'j kyex kyajb'il; ex qe xjal in pon kyk'u'j ti'j nimku, ik'un Qman kyu'n ex in che yolin mya b'a'n ti'j.

⁴Qe xjal mya b'a'n in jaw kyniman kyib' ex in kyma'n: Minti' Dios at. Mi a'l jun jaku tzaj qaninte tajlal qaq'unb'en, che chi. Atzun jlu in kub' kyximan.

⁵Maske ikju, kukx nne'l b'a'n aju in kyb'incha'n. Minti' nne'l kynik' kyi'j qe tleya. In che ok ten xmayil kyi'j qe aj q'oj kyi'j,

⁶ex in kub' kyximan: Mi a'l jun jaku xkye' qi'j tu'n qkub' tz'aq, ex mlayx tzaj jun ti'xti mya b'a'n qi'j, che chi.

⁷Nojni tuj kytzi' xjal lu tu'n yasb'il, tu'n nik'aj yol, ex tu'n kyyol in kub' kyyajla'n qe xjal. Noq tokx tuj kytzi' qe yol mya b'a'n tu'n kyyajlan kyi'j xjal.

⁸In che kub' ten xq'uqil kyuj qe aldey, ex tuj ewaj in kub' kyb'yo'n jun xjal minti' til. Minti' nne'l kyi'n kywitz kyi'j qe xjal mi a'l jun kolol kyi'j;

⁹ik kyten ik tza'n jun b'alun tokx tuj tjul, max tuj kyewb'il in che kub' ten xq'uqil kyi'j qe xjal meb'a, in che ayon tu'n kytzyet kyu'n ex ok in che tzyet kyu'n, in xi kyjawo'n.

¹⁰In che kub' joqe', nno'k kyyut'in kyib', ex in che'x t'ikpaj tzyulte kye xjal mi a'l jun kolol kyi'j.

¹¹Tuj kywitz xjal mya b'a'n, nnik' tna'njtz tu'n Dios ex txayin twitz Dios tu'n xb'alun ex minti' jun in til.

¹²We'ktza Nman, nuqpinx tq'ab'a. Mi'n tzik' tna'l tu'na qe xjal ate' tuj b'is.

¹³Nman Dios, ¿tiqu'n k'okel xmayina kyu'n qe xjal mya b'a'n, aqeju in che ximan ti'j qa mi'n tzaj tqanin Dios tajlal kyaq'unb'en?

¹⁴Nman, ma tila aju k'ixb'isab'l in kyb'incha'n qi'je, ojtzqi'n tu'na tkyaqil jlu ex kb'el tq'o'na kycastiw ik tza'nx kyb'inchb'en. Aju xjal minti' tipun tu'n tklonte tib' in xi toqxenan tib' teya; aya in onin kyi'j qe k'wa'l minti' kyman ex kytxu'.

¹⁵Q'i'mela kyipumal qe xjal mya b'a'n, q'o'nka qe tuj xjel ti'j tkyaqil kyb'inchb'en mya b'a'n.

¹⁶Ate Qman rey te jumajx; qe txqantl nasyon mya nimal Dios ok che elex lajo'n qe tuj tx'otx' etzan tu'n.

¹⁷Nman, in tzaj tb'i'na kyna'j Dios qe xjal mans, in xi tkyuwsa'na kyk'u'j ex in che tzaj tb'i'na qe.

¹⁸B'inchanxa kyi'j qe k'wa'l minti' kyman ex kytxu' ex qe xjal in che b'aj yajla'n, tu'ntzun mi'n kukx kyxob'tzan xjal b'anin qe ti'j tx'otx'.