Read kumam Salmos 101 Bible Online

Salmos 101 - kumam bible

Salmos 101

¹B'itz tu'n David Waje tu'n tjaw nnimsa'na tu'nju tk'ujlalila ex tu'nju tz'aqlxixa; waje tu'n kyxi nb'itzane qe b'itz teya Nman;

²waje tu'n wanq'ine tuj tumelxix. ¿Jtoj tzula onil weye? K'okel tilil wu'ne tu'n ntene minti' npaltile tuj njaye;

³mlay pon nk'u'je ti'j ju mya b'a'n. Nne'l wik'une kyb'inchb'en qe xjal ma tz'el kypa'n kyib' ti'j Dios; mlayx txi nq'o'ne amb'il kye tu'n kyok laq'e' wi'je.

⁴Qe ximb'etz jumajx mya b'a'n che elel nlaq'b'a'ne wi'je: mi'n waje tu'n nb'inchanteye jun mya b'a'n.

⁵Wu'ne kweb'el kyyolin qeju tuj ewaj in che yolin mya b'a'n kyi'j kyvesin; mlay tzik'x wu'ne qeju in jaw kyniman kyib' ex jawni kywitz.

⁶K'okel nq'o'ne nwitze kyi'j qe xjal tz'aqlxix tu'ntzun kyten wuk'ile; o'kx che ajb'el weye qeju in che anq'in tuj tumelxix.

⁷Atzun qe xjal sb'ul mlay txi nq'o'ne amb'il kye tu'n kyten tuj njaye; mi jun xjal nik'al yol jaku kub' ten nwitze.

⁸Teyle junjun q'ij che najel wu'ne kykyaqil xjal mya b'a'n; che elex nlajo'ne tuj tnam etzan tu'n Qman kykyaqil xjal b'inchal mya b'a'n.