Read kumam Salmos 11 Bible Online

Salmos 11 - kumam bible

Salmos 11

¹B'itz tu'n David Ti'j Qman q'uql we nk'u'j. ¿Tiqu'ntzun in kyma'ne weye kyja': T-xi oqa tjaq' k'ul, ik tza'n qe chyu'j?

²Ke'yinxa qe xjal mya b'a'n; nno'kx kyq'o'n qe plech tuj taq'al xob'l te, ex nne'l kyxqinin, ex tuj jun lugar tuj ewaj in xi kyxo'n kyi'j qe xjal tz'aqlxix.

³Qa ma kub' xitj ju ley ex kawb'il tuj jun tnam, ¿titzun kb'antel tu'nju xjal tz'aqlxix? Che chi xjal weye.

⁴Ate Qman atzun ta' tuj tja xjan. Tuj kya'j ta' tq'uqb'il jatum in kawin, ex tok twitz kyi'j kykyaqil xjal, alkye in kyb'incha'n.

⁵Aju xjal tz'aqlxix ex aju xjal mya b'a'n in che ok tq'o'n Qman tuj malb'il, in che el tik'un qeju o'kx in che ximan ti'j tu'n tkub' jun xjal kyu'n.

⁶Ktzajel tchitun Qman q'aq' tuk'ix azufre kyib'aj qe xjal b'inchal mya b'a'n, ex ktzajel jun kyq'iq' tu'n, tu'n tb'aj tz'e'y tkyaqil. Kb'el kycastiw tu'n Qman.

⁷Ate Qman tz'aqlxix ex in tzalaj ti'j tu'n tb'inchet aju tz'aqlxix; kyja'tzun aju xjal in b'et tuj tumelxix k'okel tke'yin twitz Dios.