Read kumam Salmos 110 Bible Online

Salmos 110 - kumam bible

Salmos 110

¹B'itz tu'n David Xi tma'n Qman te Wajawe: Qekuya tuj nb'anq'ab'e akutzun in kub' kyi'j aj q'oj ti'ja wu'ne.

²Max twi witz Sión tzul tq'o'n Qman aju tvara te jun techal tipumala, ex b'a'n tu'n tkub' kyi'j qe aj q'oj tu'na.

³Ok tkub' kyi'j qe aj q'oj tu'na, qe xjal etzan tu'na kyu'nx kxel kyq'on kyib' tuj tkwenta. Tkyaqil q'ij k'okel tipuna ik tza'n jun ku'xun, ex ik tza'n ttxa che'w in kub' twi witz xjan ok tkub' spik'e'.

⁴At jun yol axix tok tzaj ttziyan Qman ex mlay ch'expet tu'n: Aya k'okel te pal te jumajx, ax toklena k'okel ik tza'n te Melquisedec.

⁵Atzun tkub' Qman tuj tb'anq'ab'a; ex ok ttzaj tq'oj, che najel qe rey tu'n.

⁶Kb'el kysentens qe nasyon tu'n; ex nim kyximlal kyimni kb'el ten tu'n twitz tx'otx' ok kykub' tb'yo'n, ex kb'el tpa'n kywi' qe nejenel tuj tkyaqil twitz tx'otx'.

⁷Kk'al a' tuj tq'ab' xaq tuj b'e, ex k'okel mas tipun tu'n a' lu.