Read kumam Salmos 111 Bible Online

Salmos 111 - kumam bible

Salmos 111

¹Nimanxwit tb'i Qman. Kjawil nnimsa'ne Qman tu'n tkyaqil wanmiye junx kyuk'il qe xjal tz'aqlxix, ex kyxol kykyaqil qeju kychmon kyib'.

²Qe taq'unb'en Qman ma'xix qe, qeju in che tzalaj kyi'j in che xnaq'tzan kyi'j.

³Aju taq'unb'en tb'anilxix ex in qoptz'aj wen, ex aju tten tz'aqlxix kukx ktel te jumajx.

⁴Kyaj tq'o'n junjun tumel tu'n mi'n tik' kyna'njtz qe tb'inchb'en ma'xix kyxilen. In tzaj tz'e'y tk'u'j Qman qi'j ex at tq'aq'b'il tk'u'j;

⁵in xi tq'o'n kywa qeju in che niman te; ex kukx in tzaj tna'n aju yol o kyaj b'ant ti'j tu'n kyuk'il.

⁶Kyu'n qe taq'unb'en xi tyek'un tipumal kye qe xjal etzan tu'n, ex xi tq'o'n kye aju kytx'otx' qe nasyon.

⁷Aju in tb'incha'n, tz'aqlxixte ex axix tok; ex b'a'n tu'n tqe' qk'u'j kyi'j qe tmandamyent,

⁸tu'nju kukx che tel te jumajx tuj tkyaqil tab'q'iyil; axix tok qe ex tz'aqlxix b'inchb'en kye.

⁹Tu'n e kolpet qe xjal etzan tu'n, ex xi tkyuwsa'n aju yol kyaj b'ant ti'j tu'n kyuk'il. Ate Dios xjante ex xob'ajilxix.

¹⁰Aju tumel tu'n tten tnab'l xjal atzun, tu'n t-xob' twitz Qman ex tu'n tniman te; qeju in che niman te in ten nim kynab'l. Kukx kjawil nimsa'n tb'i Dios te jumajx.