Read kumam Salmos 113 Bible Online

Salmos 113 - kumam bible

Salmos 113

¹Nimanxwit tb'i Qman. Aqeye tmajen Qman, kynimsa'n jawe tb'i.

²Nimanxwit tb'i Qman ja'lo ex te jumajx.

³Nimanxwit tb'i Qman kyu'n qeju najlqe tuj tjawitz q'ij ex max tuj telex q'ij.

⁴Ma'xix toklen Qman kyib'aj qe nasyon; tkub' tajwalil tib'aj kya'j.

⁵Mi a'l jun jaku pon ik tza'n te Qman Dios; in kawin max tib'aj kya'j,

⁶ex maske ikju pero in tzaj mok'e' tu'n tku'tz tke'yin kya'j ex tx'otx'.

⁷In jaw twab'an Qman aju meb'a tkub' twitz tx'otx', ex aju xjal minti' at te nne'tz ti'n tuj yajb'il te,

⁸tu'ntzun tkub' tq'uqb'a'n kyxol qe xjal ma' kyoklen, kyxol qe xjal ma' kyoklen tuj ttanmi.

⁹Aju xu'j minti' tal, ktzalajel tu'n Qman tu'nju otoq tz'ok te txuyb'aj, ex ktel tuj tex tja. Nimanxwit tb'i Qman.