Read kumam Salmos 114 Bible Online

Salmos 114 - kumam bible

Salmos 114

¹Tej kyetz aj Israel tuj Egipto, tej kyetz qe tiyjil Jacob tuj tnam myatoq kytanmi,

²jaw t-sk'o'n Qman aju tx'otx' Judá tu'n tok te tnajb'il xjan; ex aju kytx'otx' aj Israel ok te tetzb'il.

³Tej ttil mar qe aj Israel el oq kywitz, ex aju nima Jordán b'i'x we', minti'tl b'et.

⁴Qe nmaq witz e jaw t'ikpaj ik tza'n qe tman ẍne'l ex qe tal witz e jaw t'ikpaj ik tza'n qe tal ẍne'l.

⁵¿Ti b'aj ti'ja mar tu'nju el oqa? ¿Ti b'aj ti'ja nima Jordán tu'nju b'i'x we'ya ex minti'tl b'eta?

⁶¿Ti b'aj kyi'je nmaq witz tu'nju e jaw t'ikpaje ik tza'n qe ẍne'l, ex ti b'aj kyi'je tal witz tu'nju e jaw t'ikpaje ik tza'n qe tal ẍne'l?

⁷Tjaw lu'luna tx'otx' twitz Qman aju Tdios Jacob.

⁸Tu'n e ok qe pik te laguna. Tu'n e ok qe pik te kywi a'.