Read kumam Salmos 12 Bible Online

Salmos 12 - kumam bible

Salmos 12

¹B'itz tu'n David Qo tkloma Nman ex minti'tl in che niman xjal teya; minti'tl in che b'et xjal tuj tumelxix.

²In che nik'an yol kyxolx jun tuk'il juntl; xmletz' che yolin ex in che yolin tu'n kab' kyk'u'j.

³Che najxwit tu'n Qman kykyaqil xjal xmletz' qe, ex kyuk'ix qeju in kyma'n nimku yol te kynimb'il kyib',

⁴in kyma'n kyja': Jaku qo kamb'an noq tu'n qtzi'; ex axte qtzi' jaku kolin qi'j. ¿Alkye jun jaku kub' q'onte jun ley qib'aj? Che chi.

⁵Ex atzun yol lu ma tma Qman: Aqine chin jawil we' ex che kletel wu'ne qe xjal in che b'aj yajla'n ex qe xjal meb'a. Che kletel wu'ne ik tza'n kye kyajb'il.

⁶Qe yol in tzaj ttziyan Qman tb'anilxix qe; ik kyten ik tza'n saq pwaq tb'anilxix ex qtz'uminxix twitz tetzlenxi wuq maj tuj jorni.

⁷Tu'na Nman qo okel tkwentina; kukx qo kletele tu'na kywitz qe xjal mya b'a'n qe.

⁸Qe xjal mya b'a'n in che b'et tuj tkyaqil lugar, ex kykyaqil xjal in jaw kynimsa'n aju mya b'a'n.