Read kumam Salmos 120 Bible Online

Salmos 120 - kumam bible

Salmos 120

¹Kyb'itz aj Israel ok in che jax tuj Jerusalén Tej nyajlanjtze in kub'sane twitz Qman ex in tzaj tzaq'we'ne tu'n.

²Nman, chin tkloma kywitz qe nik'al yol ex kywitz qeju b'a'n che sb'un.

³¿Alkye tzul tq'o'n Dios teya, aya nik'al yol?

⁴O'kx tu'n tex plech tz'u'p twi' tuj tk'u'ja, ex tu'n ttz'e'ya tu'n xq'a'l in k'ant tu'n q'aq'.

⁵B'ek'b'il nwitze, ma chin anq'ine ik tza'n jun stranjer xjal tuj tx'otx' Mesec, ex ma chin tene kyxol qe ja xb'alun tuj tx'otx' Cedar.

⁶Nim tyemp ma chin anq'ine kyxol qeju kyk'i' tu'n kyten tuj tzalajb'il kyxol txqantl;

⁷ok in chin yoline ti'j tu'n kyten xjal tuj tzalajb'il, atzun kye o'kx kyaj tu'n kyq'ojin.